O athu a beta-kota mu tuijiia mukonda dia kikalakalu kietu kia kuboka nzo ni inzo ni mu ikoka, ni mu ididi ia mukua mu tu sanga o athu. Mukonda diahi tuene mu bhanga o kikalakalu kiki?

O Jimbangi ja Jihova ene mu boka phala kubhana kijingu kua Nzambi, ni kuijidisa o dijina diê. (Jihebeleu 13: 15) Tua mesena ué kubelesela o kitendelesu kia Jezú: “Enu-phe ndenu, mua ka longe jixibulu ku akua jixi joso, . . . ni ku a longa kualuka ima ioso kiá i nga mi tumu eme.”Matesu 28:19, 20.

Etu tua zolo ué o athu. (Matesu 22:39) Tuejiia kuila athu avulu ala kiá ni jingeleja jâ, ni kuila k’athu oso a-nda mesena kuívua o njimbu ietu. Né kiki tuejiia kuila, o njimbu ia Bibidia i bhulula o athu. Mukonda dia kiki ‘ki tu fula kulonga ni kutanga o Njimbu Iambot’iii, kuma Jezú, muène Kristu.’Ikalakalu 5: 41, 42.

O ngijiie Antonio Cova Maduro ua soneka ia lungu ni “nguzu i bhanga o Jimbangi ja Jihova ni ibhidi ia bhita na-iu . . . , phala o njimbu iambote ku i tula katé ku maxokololo ma ixi.”—Juranale El Universal, Venezuela

Athu avulu akua kutanga o madivulu metu, ki Jimbangi ja Jihova. Jimidi ni jimidi ja athu a mu dilonga o Bibidia n’etu, a tokala mu jingeleja jengi. Maji athu enhá a sanguluka mu kuzuela ni Jimbangi ja Jihova.

Nange uala ni ibhuidisu ia mukua ia lungu ni Jimbangi ja Jihova. Tua mu ku suínisa kusanga o itambuijilu mu

  • Kuebhuidisa Mbangi ia Jihova

  • Kujikula o kijimbuete kietu, www. jw.org.

  • Kuia mu iônge ietu, ki ku bhingi kufuta, muthu uoso-uoso u bokona.