O kuila o ji-anju ji tena ku tu kuatekesa?

Kala kia kuatekesa o selevende ia Nzambi, Daniiele m’ukulu, lelu ué oji-anju jene mu kuatekesa o athu ku katula mbote ku njimbu iambote

Jihova Nzambi ande dia ku bhanga o athu mu ixi, muéne ua bhange mazunda ni mazunda a ji-anju. (Jobe 38:4, 7) O ji-anju jiji jala ni kutena kuavulu, jene ji kalakela Nzambi, saí ithangana Nzambi u ji tuma phala kuendesa ni ku langa o mundu uê mu ixi. (Jisálamu 91:10, 11) Lelu o ji-anju ja mu kuatekesa o athu ku katula mbote ku njimbu iambote iene mu boka o akaiedi a Jezú.—Tanga Dijingunuinu 14:6, 7.

O kuila tua tokala ku samba ku ji-anju mu ku bhinga kikuatekesu? Kana. O ku samba kulombolola ku bheza muthu; maji o ubhezelu ua tokala ngó kua Nzambi. (Dijingunuinu 19:10) Mukonda o ji-anju jiselevende ja Nzambi, ene a belesela ngó o dízui diê kana dia athu. Mu kiki tua tokala tu samba ngó kua Nzambi bhu kaxi ka Jezú.Tanga Jisálamu 103:20, 21; Matesu 26:53.

O kuila kuene ji-anju ja iibha?

O ji-anju a ji bhange ué ni ufôlo ua ku sola kála o athu, mu kiki ene a tena ué ku sola kia uabha mu kiki kia iibha. Maji ji-anju javulu a bhukumukina Nzambi. (2 Phetele 2:4) O ua dianga ku bhukumuka Satanaji; o a mukuá a mu kaiela a kituka madimonho. Mu izuua ietu, Satanaji ni madimonho mê a a kaie ku diulu ia a a lundumuina mu ixi.Tanga Dijingunuinu 12:7-9.

O ku iibha ni ujibhangânga ua di bandekesa mu ixi tundé ku muvu ua 1914, kilondekesa kuila Nzambi ua-nda buika Satanaji ni madimonho mê. Kienhiki Nzambi ua-nda bhanga dingi o ixi ku kala palaízu kala kia mesenene.Tanga Dijingunuinu 12:12; 21:3, 4.