Ku bokona mu madisá

Ku bokona mu madisá

 DIAMBU DIA KAPA | MUKONDA DIAHI O ATHU AMBOTE A BHITA UÁ MU IMA IA IIBHA?

O Ima ia Iibha Iavulu!

O Ima ia Iibha Iavulu!

Smita, * muhatu uala ni 35 a mivu, ua tungile mu mbanza ia Dhaka mu ixi ia Bangladesh, a muijidile kala muthu uambote, mukua henda ia athu. Athu a muijidile ué kala kidimakaji, muhatu ua sanguluka ua mesenene ku kuatekesa akuâ kuijiia o ima ia di longele ia lungu ni Nzambi. O jindandu jê, ni makamba a divu kia iibha kioso Smita kia kuata uhaxi ua mu katula o muenhu ande dia muéne ku tenesa semana ni uhaxi uenhó!

James ni muhatu’ê, makaza akexile ni 30 a mivu ndenge, akexile uá ni fuma iambote kala kiexile na-iu Smita. Mu kixibhu, ene ai mu kunda makamba mâ a tungile ku mbanza iéngi ia Estados Unidos. Ene ka vutukile dingi ku dibhata diâ mu mbanza ia Nova York. O kua’ioko, a a lanvula kuala o dikalu; o kufua kuâ kua bhekela ndolo iavulu ku mixima ia jindandu jâ ni ia athu akexile mu kalakala nâ kumoxi.

Eie ku bhingi kuia dikanga phala ku mona kuila, o kuiibha ni hadi, iavulu mu ngongo. O ita i jibha athu avulu katé muene ni masoladi. O milonga ni usuéia uene mu jibha athu avulu. O makalu ni makukata a bhita ni muthu uoso-uoso, minzangala mba adiakime, uadiama mba mvuama. O mavuua ué ene mu jibha athu avulu. O kathombo ni kuiibha kua di muange ku mundu uoso. Nange eie a ku bhange kiá kathombo kuala o athu.

Kima kiambote ku bhanga o ibhuidisu íii:

  • Mukonda diahi athu ambote a bhita uá mu ima ia iibha?

  • O Kuila tua tokala ku tatela Nzambi?

  • O kuila o mavuua a moneka ngó inga kikuma kia athu?

  • O kuila Karma mba kia mu bhita mukonda dia ima ia bhange o muthu m’ukulu ande dia kufua?

  • Se kuene Nzambi Muteni-a-Ioso, mukonda diahi muéne kene mu langa o athu ambote phala ka tale hadi?

  • O kuila saí kizuua o kuiibha ni hadi ia-nda bhua?

Phala ku tambuijila o ibhuidisu íii, tua bhingi kuijiia kiambote o ibhuidisu iiadi íii: Mukonda diahi kuene mu bhita ima ia iibha ni ihi ia-nda bhanga Nzambi?

^ kax. 3 O majina a a lungulula.