Mu kidi nanhi ua mu tumina o mundu iú?

Se Nzambi muéne ua kexile mu tumina o mundu, o ixi ki ieji kala kididi kia iuka?

Athu avulu a xikina kuila, o Nzambi ia kidi, muéne ua mu tumina o mundu iú. Maji se kiki kiexile kidi, o ixi ki ieji kala kididi kia iuka? (Matendelelu 32:4, 5) Kala kilondekesa o Bibidia, o mundu iú a mu u tumina kuala o kadiaphemba.Tanga 1 Nzuá 5:19.

Kiebhi o kadiaphemba iú kiéza mu tumina o mundu? Mu dimatekenu dia mundu, anju imoxi ia bhukumukina Nzambi iu ua suínisa ué o dikaza dia dianga ku bhukumukina o kitumu kia Nzambi. (Dimatekenu 3:1-6) O dikaza dia solo ku kaiela o kizuelu kia Satanaji kuila ngana iâ. O Nzambi Muteni-a-Ioso, muéne ngó ua tokala o kididi kia Mutumini ua ngongo, maji muéne ua mesena kuila o athu a sola o ungana uê mukonda dia henda iala na-iu kua muéne. (Matendelelu 6:6; 30:16, 19) Maji athu avulu, ene mu a nganala ni ku sola kia iibha kala kia bhangele o dikaza dia dianga.Tanga Dijingunuinu 12:9.

Nanhi ua-nda zubha o kuiibha?

O kuila Nzambi ua-nda kuehela jinga Satanaji ku tumina o mundu? Kana! Nzambi ua-nda tumina Jezú ku zubha o kuiibha kuoso kuene mu bhanga Satanaji.Tanga 1 Nzuá 3:8.

Ni ungana ua tambula kua Nzambi, Jezú ua-nda buikisa Satanaji. (Loma 16:20) Kiene Nzambi kia-nda mateka o ku tumina o athu ni ku bhangesa kuila o athu a kale ni muenhu ua sanguluka ni ku tululuka kála kia mesenene mu dimatekenu.Tanga Dijingunuinu 21:3-5.