IBHUIDISU IA BIBIDIA IO TAMBUIJILE

Ihi ia-nda bhanga Jezú ku hádia?

Ku muvu 33 K.K., Jezú uafú, a mu fukununa, iu ua bande ku diulu. Mu ku bhita thembu, Jezú ua tambula o ungana ua ku tumina kala sobha. (Daniiele 7:13, 14) Ku hádia, Jezú ua-nda bheka o ku tululuka ku mundu uoso ni ku zubha o uadiama.Tanga Jisálamu 72:8, 13.

Jezú ua-nda bhanga ima iambote kioso kia-nda kala Sobha ia mundu. Ni kutena kua tambula kua Tat’ê, muéne ua-nda bhangesa o athu ku iuka. A-nda kala mu ixi ni muenhu ua kalelaku sé ku kuka né kufuá.Tanga Nzuá 5:26-29; 1 Kolindo 15:25, 26.

Ihi ia mu bhanga Jezú lelu?

Lelu Jezú ua mu kuendesa o kikalakalu kia kuboka kia mu bhanga o akaiedi’ê a kidi ku mundu uoso. Ene a kunda o athu phala ku a tangela ioso i zuela o Bibidia ia lungu ni Utuminu ua Nzambi. Jezú ua kanena kuila ueji kuatekesa o kikalakalu kia maxibulu mê katé kioso o Utuminu ua Nzambi kia-nda buika o jinguvulu joso mu ixi.Tanga Matesu 24:14; 28:19, 20.

Bhu kaxi ka kilunga kia kidi kia Ukidistá, Jezú ua mu londekesa ku athu o ukexilu uambote ua muenhu. Muéne ua-nda suluka ni ku a endesa katé kia-nda buika o mundu iú ua iibha ua Satanaji ni ku mundu ua ubhe ua kanena Nzambi.Tanga 2 Phetele 3: 7, 13; Dijingunuinu 7:17.

Phala kuijiia dingi, tanga o kibatulu 8 kia divulu didi, a di bhange ku Jimbangi ja Jihova

A tena ku di katula ué mu, www.jw.org