Nzambi muthu ua kídifua kiahi?

Nzambi muthu mu nzumbi. Muéne ua bhange o diulu, o ixi ni ibhangelu ioso. Nzambi se-ku muthu ua mu bhange—muéne kale ni dimatekenu. (Jisálamu 90:2) Nzambi ua mesena kuila o athu a muijiia, ni kuijiia ué o kidi kia lungu ni muéne.Tanga Ikalakalu 17:24-27.

Nzambi muthu, tu tena ku muijiia mu dijina diê. Tu tena ku tongolola o ídifua iê mu ku mona o ima ia bhange muéne. (Loma 1:20) Phala tuijiie kiambote Nzambi, tua tokala ku di longa o Maka mê, o Bibidia, i tu kuatekesa kuijiia kiambote o ídifua ia Nzambi.Tanga Jisálamu 103:7-10.

Kiebhi ki divua Nzambi kia mona o kuiibha mu ngongo?

O Mubhangi uetu, Jihova, ua zembe o kuiibha. Muéne ua bhange o athu mu kídifuanganu kiê. (Matendelelu 25:16) Kiki kiene ki tu bhangesa ku zemba ué o kuiibha. O kuiibha mu ngongo, ki Nzambi uene mu i bheka. Nzambi ua bhana ku athu o ufôlo ua ku sola. Maji athu avulu kene mu kalakala kiambote ni ufôlo uâ ua ku sola, ni ku bhanga ima iavulu ia iibha. Ene a “bhekela lamba ku muxima” ua Jihova.Tanga Dimatekenu 6:5, 6; Matendelelu 32:4, 5.

Jihova ua zolo o kidi, muéne ka-nda kuehela o kuiibha ku nangenena. (Jisálamu 37:28, 29) O Bibidia i kanena kuila, Nzambi ua-nda ku bhua ni kuiibha kuoso mu ngongo.Tanga 2 Phetele 3:7-9, 13.

O Bibidia i kanena kuila, Nzambi ua-nda batula mu kidi