MU Mbeji ya Katatu kya Kwarta 24, ku muvu wa 2018, a bhana ngolokela ku mwiji wa Betele ku Estados Unidos, ni ku mwiji wa Betele ku Canadá kwila, phange Kenneth Cook, Jr., a mu solo phala kubhanga mbandu ku Kibuka Kya Utuminu kya Jimbangi ja Jihova.

Phange Cook a mu vwala yú wa kudila mu mbanza ya Pennsylvania, ku Estados Unidos. Mwene wa dilongo o kidi ni koleka ya xikola ande dya kuzubha o xikola ya kaxi. A mu batizala mu kizuwa kya 7 mu mbeji ya Kanake ka 1980. Mwene wa mateka kusidivila kala muboki wa thembu yoso mu kizuwa kya 1 kya mbeji ya Katutu ka 1982. Mu kubhita mivu iyadi, a mwixana phala kusidivila ku Betele. Wa matekena ku Wallkill, Nova York, mu kizuwa kya 12 kya mbeji ya Kamusasadi ka muvu wa 1984.

Mu 25 a mivu a kayela, Phange Cook wa bhange ikalakalu yavulu, tundé ku Inzu ya kukatula jikópya ni ikalakalu yengi mu Xikitodyu ya Betele. Mwene wa kazala ni phange Jamye, ku muvu wa 1996 a sidivila kumoxi ku Betele ya Wallkill. Mu mbeji ya Kayadi ya 2009, o dikaza Cook a a tumikisa ku Centro Educacional da Torre de Vigia, ku mbanza ya Patterson, Nova York. Phange Cook wa kalakala ku Departamento de Correspondência da Redação. Ku mbeji ya Kasamanu ka 2016, kyoso kya vutuka ku Wallkill, o dikaza Cook, a a tumikisa ku Nova York. Mu kubhita mbeji jitanu ayi ku Warwick, mbanza ya Nova York. Ku mbeji ya Katatu ka muvu wa 2017, Phange Cook a mu solo phala kukala mukwatekexi wa Kibuka kya Utuminu Kya ku Longa.