Ua mesena kuijiia o kidi kia lungu ni jianju?—ene a nanhi, kiebhi kieza mu kala ku muenhu, ihi iene mu bhanga ene? O kidi kia lungu ni jianju tu ki sanga ngó mu Mak’â Nzambi, o Bibidia. (2 Timote 3:16) Ihi izuela o Bibidia ia lungu ni jianju?

  • Ki tu tena kumona Nzambi mukonda muene Nzumbi, kiene ue kimoxi ni jianju ki tu tena ku ji mona, ‘ene kala ni xitu né ifuba.’ O Jianju ja fiiele ja tungu ku diulu, mukonda dia kiki ene a tena kumona o pholo ia Nzambi.—Luka 24:39; Matesu 18:10; Nzuá 4:24.

  • M’ukulu sai jianju ejile mu ixi kala athu mu xitu, phala kubhanga o kikalakalu kia bhanene Nzambi. Kioso kia zubha o kikalakalu kiâ, ene a vutuka dingi ku diulu kala jianju.—Afundixi 6:11-23; 13:15-20.

  • Mu kidi o Bibidia izuela veji javulu, kuila o jianju ja dilondekesa ku athu kala maiala, maji mu’axaxi ka jianju, ki mualé maiala mba ahatu. O jianju ki jene mu kazala phala kudivualulula, jene ki ji diangele kukala athu mu xitu ande dia kukala jianju kana. Kiki kilombolola kuila se-ku kabuetele mba muadiakimi u bhiluka anju. Jihova muene ua bhange o jianju, mukonda dia kiki o Bibidia ixana o jianju kala “an’â Nzambi.”—Jobe 1:6; Jisálamu 148:2, 5.

  • O Bibidia i tumbula o ‘mazui a athu ni a jianju,’ kiki kilondekesa kuila o jianju ki jene mu di zuelesa kala o athu mu xitu. Mu kidi Jihova ua tumikisine jianju phala ku zuela ni athu mu xitu, maji muene ka mesena kuila o athu a bheza o jianju, mba a samba kua ene.—1 Kolindo 13:1; Dijingunuinu 22:8, 9.

  • Kuene jimidi ni jimidi, mba nange mazunda ni mazunda a jianju. *Daniiele 7:10; Dijingunuinu 5:11.

  • O jianju “ja beta o kota mu nguzu ni kutena”, athu ndenge ene ue ala mi kuijiia kuavulu o athu mu xitu ndenge. Ene a tena kuenda kiavulu, etu ki tu tena kuxinganeka o ukexilu uala na-u.—Jisálamu 103:20; Daniiele 9:20-23.

  • Né muene o jianju a beta kota mu nguzu ni kuijiia, maji sai ima ene ka ijiia.—Matesu 24:36; 1 Phetele 1:12.

  • O jianju a a bhange mu ukexilu ua katunda, ala ue ni idifua kala ia Nzambi. Kala o athu, ene ala ue ni ufolo ua kusola o ima iambote mba iaiibha. Maji jianju ja mukuá ki ja belesela, mu kiki a solo ku bhukumukina Nzambi.—Juda 6.

^ kax. 8 O jimidi ja tumbula mu divulu dia Dijingunuinu jilombolola 10.000, ja jianju. Mu kiki se tu kondala o 10.000 mu 10.000 a jiveji , tua-nda tenesa o konda ia 100 ia mazunda. Kuma o Bibidia izuela kuila kuene jimidi ni jimidi ja jianju, tu tena kuzuela kuila kuene mazunda a jianju.