Nepal

Togo

Grã-Bretanha

O kilunga kietu, ki bhanga jimidi ja ji Bibidia mivu joso ni madivulu a mukuá, se ku fonga. Tu tunga Ididi ia Ubhezelu ni jifiliale. Tu kuatekesa jimidi ja jiphange ene mu kalakala mu Betele ni akunji a jixi jengi, tuene mu kuatekesa o jiphange kia bhita ni mavuua. Nange u di bhuidisa: ‘Nanhi uene mu bhana o kitadi?’

Ki tuene mu bhinga kitadi. Sumbala ku bhingi kitadi kiavulu phala o kikalakalu kia kuboka, maji ki tuene mu bhinga kitadi, ku hama ia bhiti, o Mulangidi mu milongi ia kaiiadi, iambe kuila Jihova uene mu tu kuatekesa ni kuila etu ‘nuka tua-nda bhinga kikuatekesu ku athu’—nuka tua-nda ki bhanga!Matesu 10:8.

O kikalakalu kietu tu ki bhanga ni kitadi ki bhana athu mu vondadi iâ. Athu avulu a uabhela o kikalakalu kietu kia kulonga o Bibidia, ene mu bhana o kitadi kiâ. O Jimbangi ja Jihova a bhana ué o kithangana kiâ, o nguzu iâ ni kitadi kiâ ni ima ia mukuá phala kukuatekesa kubhanga o vondadi ia Nzambi ku mundu uoso. (1 Malunda 29:9) Mu Kididi kia Ubhezelu, tu sanga-mu ji kaxa, uoso ua mesena kusangela kitadi, u ta mu kaxa. O athu a tena ue kusangela kitadi bhu kaxi ka kijimbuete kietu jw.org. O athu ene mu bhana o kitadi, ki jimvuama kana, a difu ni mutudi ua ngadiama a mu tange kua Jezú, ua tele kitadi kia tolo o valolo mu kaxa ia tembulu. (Luka 21:1-4) Kienhiki kala muthu mudietu ‘a bhake kia soko’ “uila kia mu kala ku muxima uê.”1 Kolindo 16:2; 2 Kolindo 9:7.

Tua dielela kuila Jihova ua-nda suínisa ió a mesena ku mu jingisa ‘ni ioso iala na-iu’ phala kukuatekesa o kikalakalu kia Utuminu, phala kubhanga o vondadi iê.Jisabhu 3:9.

  • Ihi i bhangesa kuila o kilunga kietu ki ki sokela ni jingeleja?

  • Ihi ia bhanga ni kitadi kisangela o athu mu vondadi iâ?