Ku bokona mu madisá

Ku bokona mu madisá

 DISÁ 13

Muboki ua Thembu Ioso Ihi?

Muboki ua Thembu Ioso Ihi?

Canadá

Kuboka inzo ni inzo

Kulonga o Bibidia

Kudilonga ubheka

O kizuelu “muboki ua thembu ioso,” kia tokala ku jiphange a kalakala mu ididi ia ubhe, a jikula o njila phala o jiphange. Jezú uexile uê muboki ua thembu ioso, mukonda ua tundu ku diulu phala ku tula o njimbu mu ixi, ni kubhulula o athu. (Matesu 20:28) Lelu o akaiedi mê ene mu kaiela o phangu iê mu ku kala ni kithangana kia ‘kubhanga maxibulu.’ (Matesu 28:19, 20) Saí jiphange ene mu bhanga o sidivisu ia thembu ioso.

O muboki ua thembu ioso u boka thembu ioso. O Jimbangi joso ja Jihova, ene mu tula o njimbu iambote. Maji saí aboki a sosola o ukexilu ua mienhu iâ, phala kukala aboki a thembu ioso, mu kubhanga 70 a ji ola ku mbeji mu ku boka. Saí jiphange a kalakala ngó phala ku dikila o muiji, kaxaxi ka kizuua phala kukala aboki a thembu ioso. A mukuá a sidivila kala akunji a katunda, mu ididi mua kambe aboki, a bhanga 130 a ji ola, mba a bhanga dingi ku mbeji. O aboki a thembu ioso ka thandanganha ni ima ia muenhu, mukonda ene a dielela kuila Jihova ua-nda kua dikila o ibhindamu. (Matesu 6:31-33; 1 Timote 6:6-8) O jiphange ka tena ku kalakala kala aboki a thembu ioso, ene mu kalakala kála aboki a ithangana ni ithangana, phala kubandekesa o sidivisu iâ, a bhana 30 mba 50 a ji ola ku mbeji.

O muboki ua thembu ioso u bokona mu sidivisu íii mu kuzola Nzambi ni athu. Kála Jezú, lelu tuene mu mona athu kejiia Nzambi ni ikanenu iê. (Marku 6:34) Tuejiia kuila etu tu tena ku a kuatekesa, mu ku a longa n’a kale ni kidielelu ku hádia. O henda ku athu i bhangesa o muboki ua thembu ioso kubhana o kithangana kiê mu vondadi iê, phala ku kuatekesa o athu mu nzumbi. (Matesu 22:39; 1 Tesalonika 2:8) Mu kubhanga kiki u kolesa dingi o kixikanu kiê, u zukama dingi kua Nzambi, u kala ni kisangusangu kiavulu.Ikalakalu 20:35.

  • O muboki ua thembu ioso ihi?

  • Mukonda diahi o aboki a thembu ioso a bokona mu sidivisu íii?