Nzambi ua mesena kuila tu kala ni paze, ni ku zediua mu palaízu mu ixi hádia ni hádia!

Eie u tena ku diuana, ‘kiebhi kiki kia-nda bhita?’ O Bibidia i tanga kuila o Utuminu ua Nzambi, ua-nda bhanga kiki, ua-nda bhangesa kuma o vondadi ia Nzambi, o athu oso a di longa ia lungu ni Utuminu, ni vondadi iê phala etu.Jisálamu 37:11, 29; Izaia 9:7.

Nzambi ua mesena kuila, tu katule mbote.

Kala o tata iambote u mesena o mbote phala o tuana tuê, o Tata ietu ia diulu ua mesena kuila, tu kale ni kuzediua ku nangenena. (Izaia 48:17, 18) Muéne ua kanena kuila “uoso-phe u bhanga o vondadi ia Nzambi, ió muéne o muthu u nangenena.”1 Nzuá 2:17.

Nzambi ua mesena kuila, tu e-nda mu jinjila jê.

O Bibidia i zuela kuila o Mubhangi uetu, ‘u tu longesa kioso kiene o jinjila jê’ mukonda dia kiki, tu tena ‘kuenda mu ikoka iê.’ (Izaia 2:2, 3) Muéne uene mu kuongeka “o mundu uê uangene mu dijina diê” phala ku ijidisa o dijina diê mu ixi ioso.Ikalakalu 15:14.

Nzambi ua mesena kuila, tu diongeka phala tu mu bheze

Mu veji dia kumuangununa o athu, o ubhezelu ua kidi ua Jihova, uongeka mu henda ia kidi. (Nzuá 13:35) Lelu, nanhi uene mu longa ku athu bhu ididi ioso, kusidivila kumoxi Nzambi? Tua mesena kuila eie uijiia o maka enhá, bhu kaxi ka kadivulu kaka.