O kuila o ngongo . . .

  • ia-nda kala ngó kiki?

  • ia-nda iibha dingi?

  • inga ia-nda uabha dingi?

 IHI I ZUELA O BIBIDIA

‘Nzambi . . . u a kondona o masoxi moso ku mesu mâ! Ki ku kala dingi kùfua, nè ngó mukôndo, mba ku dila, mba ku kata. Mukonda ima ia diangele-ku, ia bhiti.’—Dijingunuinu. 21:3, 4.

O IZUELU ÍII ILOMBOLOLA IHI PHALA EIE

kalakalu iambote i sangulukisa.Izaia 65:21-23.

Ki kua-nda kala dingi mauhaxi mba hadi ioso-ioso.Izaia 25:8; 33:24.

Ku zediua, ku kala ni muenhu ua kalelaku ni muiji ni makamba.Jisálamu 37:11, 29.

 TUA TOKALA KU XIKINA MU MILONGI IA BIBIDIA?

Tua tokala, mukonda dia ima iiadi:

  • Nzambi u tena ku kumbidila o kikanenu kiê. Jihova Nzambi, muéne ngó a mu tumbula mu Bibidia kuila “Muteni-a-Ioso,” mukonda o kutena kuê ki kuene disukilu. (Dijingunuinu 15:3) Muéne ngó u tena ku kumbidila o ikanenu iê, ni ku lungulula o ukexilu ngongo ietu. O Bibidia i zuela kuila ‘Nzambi u kumbidila o ima ioso.’Matesu 19:26.

  • Nzambi ua mesena ku kumbidila o kikanenu kiê. Mu kifika, Jihova ua ‘mesena ku bheka,’ ku muenhu ió afú kiá.Jobe 14:14, 15.

O Bibidia i zuela ué kuila o Mon’a Nzambi, Jezú ua sake o jihaxi. Mukonda diahi muéne ua bhange kiki? Mukonda muéne ua mesenene ku ki bhanga. (Marku 1:40, 41) Jezú ua londekesa kiambote o kídifua kia Tat’ê, ni vondadi iê ia ku kuatekesa ió a bhindama.Nzuá 14:9.

Tu tena ku dielela kuila, Jihova ni Jezú a mesena ku tu kuatekesa ku kala ni muenhu ua zediua!Jisálamu 72:12-14; 145:16; 2 Phetele 3:9.

 XINGANEKA

Kiebhi Nzambi, kia-nda lungulula o ukexilu ua ngongo ietu?

O Bibidia i tambuijila o kibhuidisu kiki mu divulu dia MATESU 6:9, 10 ni DANIIELE 2:44.