Ku bokona mu madisá

Ku bokona mu madisá

Ku Kiasu: Kiônge kia mu bhita bhu kanga dia hatu mu mbanza ia Londres, Inglaterra ku muvu ua 1945; Ku Kadilu: Kiônge kionene mu ixi ia Malaui, África, 2012

 MBANDU 5

Ulongelu u Bhana o Utuminu—Ku Longa o Jiselevende ja Sobha

Ulongelu u Bhana o Utuminu—Ku Longa o Jiselevende ja Sobha

 EIE ua mu kuelela ni kisangusangu kioso mu ku mona o muboki ua mu bhanga diskursu diambote. Muéne muzangala ua kilunga kiê iu ua mu bhanga o diskursu diê dia dianga mu kiônge kia ilunga. Kioso ki uia ni kuívua o diskursu diambote, eie u diuana mu ku mona o ulongelu uambote uene mu tambula o mundu ua Nzambi. Eie u di lembalala o veji ia dianga i ua mono o munzangala iú ku bhanga diskursu—kuila ka kexile hanji ni uhete ua ku longa! Maji o xikola ia Ukunji ua Nzambi ni xikola ia Aboki a Thembu loso ia bandekesa o uhete uê. Muéne ni muhatu’ê a bhiti ué mu Xikola ia Akunji a Utuminu. Mu kithangana kia ku ximana o diskursu diambote dia bhange phang’etu, eie u tala ku jimbandu anga u banza mu ulongelu uambote uene mu tambula o mundu uoso ua Nzambi.

O Bibidia ia zuelele kuila, kueji kuíza thembu, o mundu ua Nzambi eji “kala maxibulu a Jihova.” (Iza. 54:13) Etu tuala kiá mu thembu ienii. Kene mu tu longa ngó bhu kaxi ka madivulu metu kana, maji mu kaxi ka iônge, kála o kiônge kia ilunga, kiônge kia dikota ni mu kaxi ka ji xikola javulu ji tu longa kiebhi ki tu kumbidila kiambote o ikalakalu mu kilunga kia Jihova. Ku mbandu íii, tua-nda di longa kiebhi o milongi i tuene mu tambula, ilondekesa kuila o Utuminu ua Nzambi ua mu tumina kiá.

IN THIS SECTION

KIBATULU 16

Tu Diongeka Phala ku Bheza

Kiebhi ki tu tena ku katula mbote iavulu mu ku diongeka phala ku bheza Jihova?

KIBATULU 17

Ku Longa Akunji a Utuminu

Kiebhi o ji xikola ja Utuminu iene mu longa akunji a Utuminu ku bhanga kiambote o ukunji uâ?