Ku bokona mu madisá

Ku bokona mu madisá

Kiasu: O jiphange ku Suíça a tumikisa imbamba phala ku kuatekesa o jiphange jetu ku ixi ia Alemanha, 1946; Kadilu: Jiphange a mu tunga Kididi kia Ubhezelu mu ixi ia Japão kioso kia bhiti o tsunami, 2011

 MBANDU 6

Ku Kuatekesa o Ikalakalu ia Utuminu—Ididi ia Ubhezelu ni ku Kuatekesa ió a Bhita mu Mavuua

Ku Kuatekesa o Ikalakalu ia Utuminu—Ididi ia Ubhezelu ni ku Kuatekesa ió a Bhita mu Mavuua

 EIE ua mu bokona mu Kididi kia Ubhezelu, u mona kuila o kididi kiala kiéngi. Eie tundé ukulu ua ximana o kididi kiki. Eie nange u di lembalala kuila kioso kia kexile mu ki tunga, eie ué kuene ku ua kexile. Maji ua beta ku sanguluka mu ku mona kuila, o Kididi Kia Ubhezelu a ki bhange kididi kia ku kuatekesa o athu a bhiti mu mavuua. Mukonda dia nvula ia dikota ia lauka mu mbanza iê, o kibuka kia tufunga mu filiiale a pelepalala kudia, izuatu, menha a zele, ni ima ia mukua phala ku kuatekesa ió a bhiti mu divuua. A pelepalala kiambote o ima ia bhana o athu phala ku kuatekesa o jiphange a bhiti mu mavuua. O jiphange ja maiala ni ja ahatu, a mu bokona mu kididi kia ubhezelu phala ku tambula o ima ia bhindamena ni masoxi ku mesu.

Jezú uambe kuila o henda mudiâ ieji kala kijimbuete kia mundu ué. (Nzuá 13:34, 35) Mu mbandu íii, tua-nda di longa kiebhi o Jimbangi ja Jihova kiene mu londekesa o henda íii kioso kia tunga o ididi ia ubhezelu, ni kioso kia kuatekesa ió a bhita mu mavuua. O henda íii ilondekesa kuila a mu tu tumina ku Utuminu ua Jezú.

IN THIS SECTION

KIBATULU 18

Kuebhi Kuene mu Tunda o Kitadi Phala ku Bhanga o Ikalakalu ia Utuminu

Kuebhi kuene mu tunda o kitadi? Ihi ia bhanga ni kitadi kiki?

KIBATULU 19

Kikalakalu Kia ku Tunga Ididi ia Ubhezelu ki Bhana Kijingu Kua Jihova

O Ididi ia ubhezelu i bhana kijingu kua Nzambi, maji muene u bhana valolo ku kima kiéngi.

KIBATULU 20

Ukunji ua ku Kuatekesa

Kiebhi ki tuejiia kuma o kikalakalu kietu kia ku kuatekesa kia tokala ku sidivisu ietu kua Jihova?