“Maka u ngala ku ku tendelela lelu’idi u ma lunda ku muxima ué. An’é u a longa muene o ku a bhaka, ni ku a kumbidila.”Matendelelu 6:6, 7

Kioso Jihova kia bhange o muiji, muéne ua bhana ku jitata o kikalakalu kia ku longa o tuana. (Kolose 3:20) O kikalakalu kia ku longa o tuana ku zola Jihova, ni ku kula ni unjimu, kia ku tokala eie u tata mba u mama. (2 Timote 1:5; 3:15) Eie ua tokala ué kuijiia o ima iala ku muxima ua mon’ê. O phangu i u bhana ku tuana tuê, iene ia beta-kota. Ua-nda tena ku longa kiambote o maka a Jihova ku tuana tuê, se o maka iá a dianga ku kala ku muxima uê.Jisálamu 40:8.

 1 KALA NI UKEXILU U BHANGESA MON’Ê KUZUELA N’EIE SÉ UÔMA

IHI I ZUELA O BIBIDIA: “Muthu ni muthu-phe a lenguluke kuivua, maji a kokoloke kuzuela.” (Tiiaku 1:19) Eie ua mesena kuila, an’ê ka kale ni hele ia ku zuela n’eie. Ene a tokala kuijiia kuila, eie uala polondo phala kua evua kioso kia bhindamena kuzuela n’eie. Tululuka kioso ene kia mesena kuzuela n’eie, phala ki kia bhonze o kuzuela. (Tiiaku 3:18) Se ene a mona kuila eie ua-nda ku a bazela, ene ka-nda tena ku ku tangela ioso iala ku mixima iâ. Kala ni muanhu ni tuana tuê ni ku a tangela kuila, ua a zolo kiavulu.Matesu 3:17; 1 Kolindo 8:1.

IHI I U TENA O KU BHANGA:

  • Ivua an’ê kioso kia mesena kuzuela n’eie

  • Zuela ni an’ê ithangana ioso, kana ku kingila ngó kioso ki moneka maka

2 SOTA KUIJIIA IA MESENA KUZUELA AN’Ê

IHI I ZUELA O BIBIDIA: “Muthu uoso u batekela kiambote o maka, ua-nda kusanga kubhanduluka.” (Jisabhu 16:20) Sai ithangana ua-nda bhinga ku sota kuijiia ihi ia mesena kuzuela an’ê. O minzangala, ene ni ukexilu ua kuzuela o ima ka mesena ku i zuela. O Bibidia i zuela: “Ku vutula kua lusolo, kuila ioso kiluua u ivua, ió uôua.” (Jisabhu 18:13) Kienhiki, kana ku luuala ni lusolo.Jisabhu 19:11.

IHI I U TENA O KU BHANGA:

  • Kana ku batula o mona kioso kia mu zuela

  • Lembalala kiebhi ki ua kexile mu divuua ki uexile mu kitala kiê, ni ihi ia kexile ni valolo phala eie

 3 KALENU NI IBANZELU IMOXI

IHI I ZUELA O BIBIDIA: “Eie, mon’ami, ivua ulongelu ua tat’enu, kana kueha o ijila ia mam’enu.” (Jisabhu 1:8) Jihova ua bhana o kikalakalu kia ku longa o tuana ku tata ni kua mama. Enu mua tokala ku longa an’enu ku mi xila ni ku mi belesela. (Efezo 6:1-3) O ana a tena ku mona se o jitata jâ ala “ni kilunji kimoxi,” mba kana. (1 Kolindo 1:10) Se ku xikina ia zuela kaza diê, kana ku ki londekesa bhuala o ana, mukonda ki tena ku fidisa o ana ku mi xila.

IHI I U TENA O KU BHANGA:

  • Di kundienu kiebhi ki mua tokala ku longa an’enu

    Se eie ni kaza diê muala ni ibanzelu ki i difu ia ku longa an’enu ijiia ia mesena kaza diê

  • “Longa mona-ndenge mu njila ioso ia tokala o kuendela”

 4 ZUELENU KIEBHI KI MUA-NDA BHANGA

IHI I ZUELA O BIBIDIA: “Longa mona-ndenge mu njila ioso ia tokala o kuendela.” (Jisabhu 22:6) Phala o ana ku kula ni kilunji, ku bhinga ku bhanga kima. Ua tokala u kala ni ndunge ia ku a longa ni ku a bazela. (Jisálamu 127:4; Jisabhu 29:17) O ku bazela ki kulombolola ngó ku bhana kaxtiku, maji kulombolola ku kuatekesa an’enu kuijiia se mukonda diahi ua mu tumu ku bhanga o kima. (Jisabhu 28:7) Ua longa ué ku zola o Mak’â Jihova ni itumu iê. (Jisálamu 1:2) Kiki kia-nda ku a kuatekesa ku kala ni kilunjiJihebeleu 5:14.

IHI I U TENA O KU BHANGA:

  • Kuatekesa an’ê ku mona kuila Jihova Muthu ua kidi, a tena ku mu dielela

  • U a kuatekesa kuijiia o iluezu ia undumbu ia tena ku sanga mu Internete. Ua longa kiebhi kia tena ku di langa ku mala a ifusa

“Longa mona-ndenge mu njila ia tokala o kuendela”