2 Kolindo 2:17

IHI I WA TOKALA O KUBHANGA?: Zwela kala ki wene mu zwela izuwa yoso, sé mangonya, londekesa se kyebhi ki wa mu divwa mu milongi ni ku jingivwidi jé.

KYEBHI KI WA TOKALA O KUBHANGA?:

  • Samba, di pelepalale kyambote. Bhinga kikwatekesu bhu kaxi ka musambu, phala kubanza mu milongi mu veji dya kudibanza mudyé. Ta mu kilunji o madisá a katunda u wa mesena kulonga. O ixinganeku wa tokala ku i tumbula mu izwelu yé, mu veji dya kutanga kizwelu ni kizwelu kala kya i soneka.

  • Zwela ni muxima woso. Xinganeka se mukonda dyahi o jingivwidi a bhindamena kwivwa o njimbu. Ene a tokala kukala o kima kya beta o kota. Kyenyiki, o ukexilu wé, o ijimbwete yé ni pholo yé, ya tokala kulondekesa kilendu ni ukamba ku jingivwidi.

  • Tala o jingivwidi jé. Se ku mbandu ku wa tungu ki kima kya yibha, wa tokala kutala ku pholo ya jingivwidi jé. Mu kubhanga diskulusu, u tena kutala muthu ni muthu, mu veji dya kutala ngó o kibuka kyoso kya athu.