Ihi i u banza . . .

  • o kuila o Bibidia divulu dia unjimu ua athu?

  • o kuila divulu dia misoso ia makutu?

  • mba Mak’a Nzambi?

 IHI I LONGA O BIBIDIA

‘O Mikanda ioso a i bhusu kua Nzambi.’​—2 Timote 3:16.

O IZUELU ÍII ILOMBOLOLA IHI PHALA EIE

Itambuijila o ibhuidisu ia beta o kota ku muenhu.—Jisabhu 2:1-5.

I bhana itendelesu ia kidi phala ku i kaiela lelu.—Jisálamu 119:105.

I bhana kidielelu kia kidi kia lungu ni hádia.​—Loma 15:4.

 TUA TOKALA KU XIKINA MU MILONGI IA BIBIDIA?

Tua tokala, mukonda dia ima itatu:

  • A i sokejeka ni kidi kioso. O Bibidia a i soneka mu 1.600 ja mivu, ku 40 a uana a maiala, ka tungile kididi kimoxi. Asoneki iâ ka di ijidile mudiâ. Maji né kiki, o Bibidia ioso a i sokejeka ni kidi kioso, ni diambu dimoxi ngó!

  • Musoso ua kidi. Akua misoso kene mu zuela o kidi kioso kia a tolola ku jinguma jâ. Maji o asoneki a Bibidia, a soneka ioso ia bhitile katé muene ni iluezu iâ kioso kia a tolola ku jinguma jâ.​—2 Malunda 36:15, 16; Jisálamu 51:1-4.

  • Ikanenu ia di kumbidila. O Bibidia ia kanene kiá ku 200 ja mivu ku dima o kibuikilu kia mbanza ia Babilonha. (Izaia 13:17-22) Ka kanena ngó kiebhi kieji buika Babilonha, maji katé muene ni dijina dia muthu ueji tambula o mbanza!​—Izaia 45:1-3.

    O ikanenu ia mukuá ia Bibidia, ia di kumbidila ué, katé muene ni ikanenu iofele. O ikanenu i tu sanga mu Bibidia, ki i tokalele muene ku di kumbidila?​—2 Phetele 1:21.

 XINGANEKA

Kiebhi o Mak’â Nzambi kia tena ku lungulula o ukexilu ua muenhu uê?

O Bibidia itambuijila o kibhuidisu kiki mu divulu dia IZAIA 48:17, 18 ni 2 TIMOTE 3:16, 17.