Ku bokona mu madisá

Ku bokona mu madisá

 DISÁ 10

Kiebhi ki u Tena Kuijiia o Ubhezelu ua Kidi

Kiebhi ki u Tena Kuijiia o Ubhezelu ua Kidi

1. O kuila kuene ubhezelu ua kidi?

‘Dimukenu ni jipolofeta ja makutu.’—MATESU 7:15.

Jezú uambe ku akaiedi’ê kuila kuene ngó ubhezelu umoxi ua kidi. Ua difu ni njila iambata ku muenhu ua kalelaku. Jezú uambe: ‘Athu ofele ngó a kaiela’ o njila íii. (Matesu 7:14) Nzambi u xikina o ubhezelu ua bhanga kala kia tumina mu Mak’â mê. O abhezi a kidi ala ni kixikanu kimoxi.—Tanga Nzuá 4:23, 24; 14:6; Efezo 4:4, 5.

Tala o vidyu O Kwila Nzambi u Xikina o Mawubhezelu Oso?

2. Ihi iambe Jezú ia lungu ni Jikidistá ja makutu?

“Amba, exi, Nzambi tua mu ijia; maji a mu dituna mu imbamba iâ ia bhanga.”—TITO 1:16.

Jezú ua dimuna kuila o jipolofeta ja makutu eji nganala o abhezi a kidi. Ene a di bhangesa kala abhezi a kidi. Mu jingeleja jâ, ene amba kuila abhezi a kidi. Maji eie u tena kuijiia se abhezi a kidi mba kana. Kiebhi? O Jikidistá ja kidi ene ngó ala ni ukexilu uambote, enda mu jinjila ja iuka.—Tanga Matesu 7:13-23.

3. Kiebhi ki u tena kuijiia o ubhezelu ua kidi?

Ejiia o ijimbuete ia abhezi a kidi:

  • O abhezi a kidi, a xila o Bibidia mukonda Mak’â Nzambi. Ene a belesela o itumu ia Bibidia. Mukonda dia kiki, o ubhezelu ua kidi, ki u difu ni ubhezelu ua makutu, ene mu katula o milongi mu ilunji ia athu. (Matesu 15:7-9) O abhezi a kidi ka longo kima, n’a bhanga kima kiéngi.—Tanga Nzuá 17:17; 2 Timote 3:16, 17.

  •   O akaiedi a kidi a Jezú a xila o dijina dia Nzambi, Jihova. Jezú ua xila o dijina dia Nzambi mu ku d’ejidisa. Muéne ua kuatekesa o athu kuijiia Nzambi, ua a longo uê ku samba phala o dijina dia Nzambi na di xile. (Matesu 6:9) A nanhi ene mu tumbula o dijina dia Nzambi mu sanzala iê?—Tanga Nzuá 17:26; Loma 10:13, 14.

  • O Jikidistá ja kidi a boka o Utuminu ua Nzambi. Nzambi ua tumikisa Jezú ku boka o njimbu iambote ia Utuminu. O Utuminu ua Nzambi uene ngó u tena ku zediuisa o ngongo. Jezú ua boko katé mu kizuua kiafú. (Luka 4:43; 8:1; 23:42, 43) Muéne uambe kuila o akaiedi’ê eji boka o njimbu íii. Se a ku tudila o njimbu ia Utuminu ua Nzambi ku muthu, u fika kuila muéne ua tokala mu ubhezelu uebhi?—Tanga Matesu 24:14.

  • O akaiedi a Jezú ka bhange mbandu ia mundu iú ua iibha. O akaiedi a Jezú ka di te mu maka a jinguvulu. (Nzuá 17:16; 18:36) Ene ka bhange ima ia iibha, mba ku kala ni ukexilu ua mundu iú.—Tanga Tiiaku 4:4.

  • O Jikidistá ja kidi a di zolo mudiâ. O Mak’â Nzambi a a longa ku xila o athu a ifuxi ioso. Sumbala o abhezi a makutu a di ta mu ita ia ifuxi, o abhezi a kidi, ka xikina ku bhanga ita. (Mikeia 4:1-3) O Jikidistá ja kidi, ni henda ioso a bhana o kithangana kiâ, ni jimbote jâ phala ku di kuatekesa ni ku di suínisa mudiâ.—Tanga Nzuá 13:34, 35; 1 Nzuá 4:20.

4. Kiebhi ki u tena kuijiia o ubhezelu ua kidi?

Jikidistá jebhi a katula o milongi mu Mak’â Nzambi, a xila o dijina dia Nzambi, a boka o utuminu ua Nzambi u bheka o kidielelu ku mundu? Kibuka kiebhi kiene mu londekesa o henda, a zembe o ita? Ihi i u banza?—Tanga 1 Nzuá 3:10-12.