Ku bokona mu madisá

Jimbangi ja Jihova

Select language Kimbundu

Milongi Iebhi i Zediuisa o Muiji?

Milongi Iebhi i Zediuisa o Muiji?

Ihi i u banza, o kuila . . .

  • o henda?

  • o kitadi?

  • mba kima kiéngi?

 IHI I ZUELA O BIBIDIA

“A beta kuzediua oso évua o maka ma Nzambi anga a ma lunda!”Luka 11:28.

O IZUELU ÍII ILOMBOLOLA IHI PHALA EIE

Ku kala ni henda ia kidi.Efezo 5:28, 29.

Ku di xila kua kidi ku muiji.Efezo 5:33.

Ku kala ni ku kondama kua kidi.Marku 10:6-9.

 TUA TOKALA KU XIKINA MU MILONGI IA BIBIDIA?

Tua tokala, mukonda dia ima iiadi:

  • Nzambi muéne ua Bhange o muiji. O Bibidia izuela kuila ‘o miji ioso . . .ia tundu’ kua Jihova Nzambi. (Efezo 3:14, 15) Kuene miji mukonda Jihova muene ua a bhange. Mukonda diahi kima kiambote kuijiia o maka enhá?

    Xinganeka: Eie ua mudia o kudia kua uabha, anga u mesena kuijiia kiebhi kia bhange o kudia kuku, nanhi u ueji ku mu ebhula? Ueji kuibhula o muthu ua lambe o kudia kuku.

    Kiene kimoxi ué, phala kuijiia o kima kia bhingi phala ku zediua ku muiji, tua tokala ku sota o milongi ia Jihova, o Mubhangi ua muiji.Dimatekenu 2:18-24.

  • Nzambi ua ku zolo. Kima kiambote o miji ku sota o milongi ia Jihova, ia bhana bhu kaxi ka Maka mê. Mukonda diahi? ‘Mukonda muéne u tu suua.’ (1 Phetele 5:6, 7) Jihova ua ku zolo ni muxima uoso—o milongi iê i ku kuatekesa!Jisabhu 3:5, 6;Izaia 48:17, 18.

 XINGANEKA

Kiebhi ki u tena ku kala munumi uambote, muhatu uambote mba tata iambote?

O Bibidia i tambuijila o kibhuidisu kiki mu divulu dia EFEZO 5:1, 2 ni KOLOSE 3:18-21.