Ihi i u banza, o kuila . . .

  • kiene?

  • kana?

  • mba nange?

 IHI I ZUELA O BIBIDIA

‘Kuma hádia ku kala difukunukinu dia athu a iuka ni athu a bhukumuka.’Ikalakalu 24:15.

O IZUELU ÍII ILOMBOLOLA IHI PHALA EIE

I tu kolokotesa kioso ki fuá muthu u tua zolo.2 Kolindo 1:3, 4.

I tu fidisa ku kala ni uôma ua kalunga.Jihebeleu 2:15.

Ku kala ni kidielelu kia kidi, kia ku mona dingi o athu u tua zolo afú kiá.Nzuá 5:28, 29.

 TUA TOKALA KU XIKINA MU MILONGI IA BIBIDIA?

Tua tokala, mukonda dia ima itatu:

  • Nzambi muéne o Mubhangi ua muenhu. O Bibidia i zuela ia lungu ni Jihova Nzambi, kuila muéne ‘o mubhangi ua muenhu.’ (Jisálamu 36:9; Ikalakalu 17:24, 25). Nzambi, muéne ua bhange o athu ni ima ioso iene ku muenhu, ua-nda fukununa athu oso.

  • M’ukulu Nzambi ua fukunuine kiá athu. O Bibidia i zuela ia lungu ni dinake dia athu a a fukunuine, minzangala, adiakimi, maiala ni ahatu. Saí iá, a bhangele ngó ithangana iofele, maji saí muthu ua bhangele izuua i uana mu mbila!Nzuá 11:39-44.

  • Nzambi ua mesena kiavulu ku fukununa o athu. Jihova ua zembe o kalunga, muéne u mona o kalunga kala nguma. (1 Kolindo 15:26) Muéne ua-nda ku buika o nguma íii mu ku fukununa o athu oso. Nzambi uala ni ‘ngunzu,’ iu ua mesena ku fukununa oso ala mu kixinganeku kiê.Jobe 14:14, 15.

 XINGANEKA

Mukonda diahi tuene mu kuka ni kufuá?

O Bibidia i tambuijila o kibhuidisu kiki mu divulu dia DIMATEKENU 3:17-19 ni LOMA 5:12.