Ku bokona mu madisá

Nanhi ua mu Tumina o Mundu?

Nanhi ua mu Tumina o Mundu?

O kuila . . .

  • Nzambi?

  • o athu?

  • mba muthu uéngi?

 IHI I ZUELA O BIBIDIA

“O mundu uoso-phe ua zeka mua Kadiaphemba.”—1 Nzuá 5:19.

‘Mon’a Nzambi ueza . . . phala ku buika o ibhangelu ia Diabhu.’—1 Nzuá 3:8.

O IZUELU ÍII ILOMBOLOLA IHI PHALA EIE

Tuene mu mona maka ku mundu iú.—Dijingunuinu 12:12.

Kima ki tu bhangesa ku dielela kuila o ixi ietu ku hádia ia-nda kala kididi kia iuka.—1 Nzuá 2:17.

 TUA TOKALA KU XIKINA MU MILONGI IA BIBIDIA?

Tua tokala, mukonda dia ima itatu:

  • O unguvulu ua Satanaji uala mu disukilu diê. Jihova ua-nda buika o mundu ua Satanaji. Muéne ua kanena ‘ku tolola’ o ima ia iibha iene mu bhanga Diabhu.—Jihebeleu 2:14.

  • Nzambi ua solo Jezú Kristu phala ku tumina o ngongo. Jezú ka difu ni Satanaji o kadiaphemba, ua kambe o henda. Nzambi uambe ia lungu ni utuminu ua Jezú: ‘U kala ni henda ia jingadiama ni ió a lenduka o mixima, . . . u bhulula o mienhu iâ ku usuéia.’—Jisálamu 72:13, 14.

  • Nzambi ka tange makutu. O Bibidia i longa kuila: ‘Nzambi ka tena ku tanga makutu.’ (Jihebeleu 6:18) Kioso Jihova kia kanena ku bhanga kima, muéne u ki bhanga sé ku fula. (Izaia 55:10, 11) ‘O sobha ia mundu iú, a-nda ku mu buika.’—Nzuá 12:31.

 XINGANEKA

Kiebhi kia-nda kala o mundu ku hádia, kioso kia-nda buika o unguvulu ua Satanaji?

O Bibidia itambuijila o kibhuidisu kiki, mu divulu dia JISÁLAMU 37:10, 11 ni DIJINGUNUINU 21:3, 4.