Ku bokona mu madisá

Ku bokona mu madisá

Jimbangi ja Jihova

Select language Kimbundu

KIBANDEKESU

Nanhi Mingedi, Kota Dia Ji-anju?

Nanhi Mingedi, Kota Dia Ji-anju?

O ANJU a mu ixana Mingedi, ka mu tumbula ola joso mu Bibidia. Maji kioso kia mu tumbula, muéne ua mu bhanga kima. Mu divulu dia Daniiele, a mu tanga kuila Mingedi u lua ita, ni ji-anju ja iibha; mu mukanda ua Juda, a mu tanga kuila muéne ua mu zoka ni Satanaji; mu divulu dia Dijingunuinu, a mu tanga kuila muéne ua mu lua ni Diabhu ni madimonho mê. Mukonda dia ku zokela o unguvulu ua Jihova ni ku lua ni jinguma ja Nzambi, Mingedi u bhana o kilombuelelu kia dijina diê— “nanhi ua sokela n Nzambi?” mu kidi, Mingedi nanhi?

M’okulu, athu a ejidile mu majina avulu. Mu kifika, Jakobo a mu ijidile mu dijina dia Izalaiele, o poxolo Phetele a mu ijidile ué, mu dijina dia Ximá. ( Dimatekenu 49:1, 2; Matesu 10:2) o Bibidia ué-phe, ilondekesa kuila Mingedi, o dijina dia kamúkua dia Jezú Kristu ande dia ku mu vuala, ni kioso kia vutuka ku diulu. Ndoko tu di longe se ihi i longa o Mikanda Ikôla i tu bhangesa ku banza kiki.

Kota dia ji-anju. O maka a Nzambi a tumbula Mingedi kála “o kota dia ji-anju.” (Juda 9) o kizuelu kiki kilombolola kuila, muéne o “anju ia dikota.” Ijiia na-kiu kuila Mingedi a mu ixana, okota dia ji-anju. Kiki kilombolola kuila muéne ngó, ki bhuala anju ua sokela nê. Mu Bibidia, o kizuelu “kota dia ji-anju” kilombolola ngó, anju imoxi, kana anju jiiadi. O kikalakalu kia kota dia ji-anju, kia tokala ngó kua Jezú. O divulu dia 1 Tesalonika 4:16, dizuela kiki kia lungu ni Ngana Jezú Kristu: “kuma Ngana muene ua kà tuluka ku diulu, ni kutesa [nzonga] ni dizui dia kota dia ji-anju.” Mu velusu íii, o dízui didi, dia Jezú, o kota dia ji-anju. Di londekesa ué kuila o kota dia ji-anju Mingedi, muene Jezú.

Mutuameni ua ji-anju. O Bibidia iamba kuila “Mingedi ni ji-anju a lua ita ni mudikixi, o mudikixi anga u lua ué ni ji-anju jê.” (Dijingunuinu 12:7) Kiki-phe Jezú, mutuameni ua ji-anju. O divulu dia Dijingunuinu dizuela ué, kuila Jezú muéne uala ku Pholo ia ji-anju. (Dijingunuinu 19:14-16) O poxolo Phaulu ua tumbula “Ngana Jezú” ni “ji-anju jê ja nguzu.” 2 Tesalonika 1:7) O Bibidia i tumbula ué Mingedi ni “ ji-anju jê,” ni Jezú ni “ji-anju jê.” (Matesu 13:41; 16:27; 24:31; 1 Phetele 3:22) O Maka a Nzambi ka tumbula ifuxi iiadi ia ji-anju ku diulu—kuila ifuxi imoxi a i tumina kuala Mingedi, o ia mukuá kuala Jezú— tua tokala ku xikina kuila Mingedi muene Jezú Kristu bhu kididi kiê ku diulu.*


*  Phala kuijiia dingi kuila o dijina Mingedi dia tokala kua Mona Nzambi, tanga o divulu, Estudo Perspicaz das Escrituras, mu volume 2, mu jimbandu ja 828-9, a di bhange ku Jimbangi ja Jihova.

← Tanga o kibandekesu kia bhingi o kibatulu