Ku bokona mu madisá

Ku bokona mu madisá

KIBANDEKESU

O Kidi Kia Lungu ni Tata, ni Mona, ni Nzumbi Ikôla

O Kidi Kia Lungu ni Tata, ni Mona, ni Nzumbi Ikôla

O ATHU a xikina ku milongi ia Tilindade, amba kuma Nzambi uala mu kitatu kia athu—o Tata, o Mona, mi Nzumbi Ikôla. Athu atatu enhá, ene mu ku a amba kuma a sokela, ala ni kutena, kala ni dimatekenu. Kienhiki, kála kiamba o milongi ia Tilindade, o Tata, Nzambi, o Mona, Nzambi, o Nzumvi Ikôla, Nzamvi ué, né kiki, kuala ngó Nzambi imoxi.

Athu a vulu a xikina mu Tilindade, ejiia kuma ene ka tena ku jimbulua o milongi íii. Né kiki, ene nange a xikina kuma o milongi íii iala mu Bibidia. Tua tokala kuijiia kuma o kizuelu “Tilindade,” ki ki mondka mu Bibidia. O kuila o milongi ia Tilindade iala mu Bibidia? Phala ku tambuijila o kibhuidisu kiki, ndoko tu tale o kibatulu kiene mu tanga o athu a xikina mu Tilindade.

‘O DIAMBU MUENE NZAMBI’

O divulu dia Nzuá 1:1 diamba: “Ku Dimatekenu kioso o mundu kiluua a u bhaga, ku kala o Diambu; o Diambu anga di kala kua Nzambi; o Diambu muène Nzambi.” Mu ku bhita kithangana, o poxolo Nzuá uedikisa mu kibatulu kiki kuila “o Diambu” Jezú. (Nzuá 1:14) mukonda o Diambu a di xana Nzambi, saí athu a banza kuila o Mona ni tata, Nzambi umoxi ngó.

Ijiia-nakiu kuila o kibatulu kiki kia Bibidia, a dianga ku ki soneka um dízui dia Ngeleku. Mu ku bhita kithangana o a tongoluelu a soneka o kibatulu kiki kia Ngeleku um mazui engi. Maji saí atongoluelu a soneka o Bibidia, ka soneka kuila, “o diambu muene Nzambi.” Mukonda diahi? Mukonda dia kuijiia o dízui dia Ngeleku, o atongoluelu iâ a xinganeka kuila o diambu muene Nzambi, a tokalele ku di soneka kiéngi. Eji di soneka kiebhi-phe? Tala o ifika bhabha: “O Logos [Diambu] uexile ngana.” (A New translation of the Bible) “o Diambu diexile nzambi.” “The New Testament in an Improved Version” “o Diambu anga I kala kua Nzambi, ene exile umoxi ngó.” (The Translator’s New Testament) Kála ki zuela o ji Bibidia jiji, o Diambu ki muene Nzambi.* Mukonda dia ku kala o anju ia dikota mu kaxaxi ka ji-anju ja Jihova, o Diambu a mu ixana “nzambi” bhabha, o kizuelu “nzambi” kilombolola “muteni” kana o Muteni-a-Ioso.

SOTA DINGI ILOMBUELELU IA KIDI

Athu avulu kejiia o dizui dia Bibidia mu Ngeleku iokulu. Kienhiki, kiebhi ki u tena kuijiia se ihi ia mesene kuzuela poxolo Nzuá? Xinganeka o phangu íii: o mesena ia xikola u longa o maka ku maxibulu mê. Kia zubha, kala dixibulu u tendela mu ukexilu uê. Kiebhi o maxibulu kieji batula o maka enhá? Ene eji bhinga dingi ilomboluelu ku mesene. Se phata, o ilombuelelu ia mukuá, ieji ku a kuatekesa ku tendela dingi kiambote o maka enhá. Kiene kimoxi ué, phala kuijiia se ihi ia mesenene ku zuela o divulu dia Nzuá 1:1 eie u tene ku sanga mu njimbu ia Nzuá, o ilombuelelu iavulu, ia lungu ni kididi kia Jezú. Ku di longa dingi ia lungu ni maka enhá, ia-nda ku kuatekesa kuijiia o kidi.

Mu kifika, xinganeka ia soneka Nzuá mu divulu didi, mu kibatulu 1 um velusu 18: “Kiluua kukala muthu u mona [Muteni-a-Ioso] Nzambi.” maji athu a monene kiá Jezú, o Mona, kienhiki, Nzuá ua bandekesa dingi: “O Diambu anga u di bhanga xitu, anga u tunga mu’axaxi ketu, uezala kiadi ni kidi. Etu anga tu mona o unène uê.” (Nzuá 1:14 KJ) Kiebhi-phe o Mona kieji kala kála Nzambi o Muteni-a-Ioso? Nzuá uambe ué kuila o Diambu anga di kala “kua” Nzambi.” Maji kiebhi o muthu uala ni mukuá kumoxi, mu kithangana kieniókio u tena ku kala muene? (Nzuá 1:34) Kála kia kisoneka mu divulu dia Nzuá 17:3, Jezú uedikisa kiambote kuma muéne ni Tat’ê ia diulu ka sokela. Muéne uambe kuila Tat’ê, “Nzambi ia kidi umoxi-élele.” Mu disukilu dia njimbu iê, Nzuá uambe: “Maji im’iíi-phe iosòneke phala enu ni mu xikane, kuma Jezú muéne Kristu, Mon’a Nzambi.” (Nzuá 20:31) Tonginina kuma, Jezú ka mu ixana Nzambi, maji mona Nzambi. O ilomboluelu íii ia mukua ia tu bhana o njimbu ia Nzuá, ilondekesa kiebhi kia tokala ku tendele o divulu dia Nzuá 1:1. Jezú o Diambu, a mu ixana “nzambi” Mukonda dia kididi kiê kia ukota, maji ki kiene kimoxi o ku kala Nzambi Muteni-a-Ioso.

TALA O KILOMBUELELU KIA KIDI

Xinganeka dingi mu phangu ia mesena ia xikola, ni mu maxibulu mê. Xinganeka kuma o maxibulu a mukuá ala hanji ni phata, né muene ni ilombuelelu ia bhana dingi o mesene. Ene eji bhanga dingi ihi? Ene, eji sota mesene iéngi phala ku a lombuela dingi o maka. Se o mesene ia kaiiadi ulombolola kala kia lombolola o mesene ia dianga, o phata ia maxibulu ieji bhua. Kiene kimoxi ué, se uala ni phata ia lungu ni Nzuá, o musoneki ua Bibidia, ia lungu ni kiebhi kiene Jezú ni Nzambi, Muteni-a-Ioso, ueji sota o musoneki ua mukuá ua Bibidia phala kuijiia dingi. Mu kifika tanga ia soneka Matesu, ia lungu ni dizubhilu dia mundu, muéne ua bhitulula o kizuelu kia Jezú, kioso kiambe: “ kizuu’okio-phe ni kithangana kiê, kana muthu ua k’ijiia, né ji-anju mu diulu, né o Mona, ki kale Tata muène ngó.” (Matesu 24:36)Kiebhi o kizuelu kiki kilondekesa kuila Jezú ki muéne o Nzambi Muteni-a-Ioso?

Jezú uambe kuila o Tata ua beta kuijiia dingi, o Mona, ndenge. Se Jezú mbandu ia Nzambi o Muteni-a-Ioso, muéne ueji kuijiia ué ioso iejiia Tat’ê. Mu kiki-phe o Mona ni Tata ka sokela. Né kiki, saí athu eji zuela: ‘Jezú ua kexile ni maukexilu aiiadi a muenhu. Bhabha muéne ua zuela kála muthu mu xitu.’ Maji né muene uexile kála ki zuela athu, ihi i tuamba ia lungu ni nzumbi ikôla? Se o nzumbi ikôla ni Tata, Nzambi imoxi ngó, mukonda diahi Jezú kambe kuila o nzumbi ikôla uejiia ioso iejiia o Tata?

Se u sukula ku di longa o Bibidia, ua-nda kuijiia ibatulu ia vulu ia Bibidia, i tanga o maka iá. Iene i tanga o kidi kia lungu ni Tata, ni Mona, ni Nzumbi ikôla.—Jisálamu 90:2; Ikalakalu 7:55; Kolose 1:15.


*  Phala kuijiia dingi o maka iala mu divulu didi dia Nzuá 1:1, tanga A Sentinela ia mbeji ia 1 ia kamoxi ua muvu ua 2008, mu jimbandu ja 24-5, a ka soneka ku Jimbangi ja Jihova.

← Tanga o kibandekesu kia bhingi o kibatulu