Ku bokona mu madisá

Ku bokona mu madisá

KIBANDEKESU

Ihi ia Zuela Daniiele ia Lungu ni Kuíza kua Mexiia

Ihi ia Zuela Daniiele ia Lungu ni Kuíza kua Mexiia

O POLOFETA Daniiele ua kexile mu ixi, 500 ia mivu ande dia ku vuala Jezú. Mu kiki, Jihova ua tangela Daniiele, o ijimbuete ioso ieji londekesa o kithangana kieji unda Jezú kála Mexiia, mba Kristu. Ua tangela Daniiele: “Eie tuma-phe ku k’ijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjila Mexiia, o M’ona Ngana, bhuala sambuadi dia semana, ni makuinhi asamanu ni kiiadi kia jisemana.”—Daniiele 9:25.

Phala ku sanga o kithangana kieji kuíza Mexiia, kia dianga tua tokala kuijiia se thembu kuxi ieji mateka o kuíza kua Mexiia, ni disukilu diê. Kála kia tange o kizuelu kia Daniiele, kiki kieji mateka ‘tundé kia bhana o kitumu phala ku tunga dingi Jeluzaleme.’ O kitumu kiki kia tundu kithangana kuxi? Kála kia tange o musoneki ua Bibidia, Nehemiia, o kitumu kia ku tunga Jeluzaleme, kia tundu ‘ku muvu ua makuinhi’a iadi, ua utuminu ua sobha Artaxexe.’ (Nehemiia 2:1, 5-8) Akua misoso, ambe kuila o muvu ua 475 A.K.K., o muvu ua dianga ua utuminu ua Artaxexe. Kienhikiphe, muéne ua tenesa 20 a muvu ku utuminu mu 455 A.K.K. Kienhiki, tuejiia kiá se thembu kuxi kia mateka ku di kumbidila o kizuelu kia tange Daniiele kia lungu ni Mexiia, kia mateka ku muvu ua 455 A.K.K.

Daniiele uedikisa o thembu ieji bhita phala o kuíza kua ‘Mexiia o Mon’a Ngana.’ O kizuelu kiambe “sambuadi dia semana ni makuinhi asamanu ni kiiadi kia jisemana”-ki tenesa 69 a jisemana. Thembu ji kuxi, ja ithangana íii? Mu ji Bibidia ja vulu, amba kuila ki jisemana ja izuua, maji jisemana ja mivu. Mukonda kala semana, ilondekesa sambuadi dia mivu. O ndunge íii, ia lungu ni jisemana ja mivu, a ijidile ku Jijudé m’okulu. Mu kifika, ene akexile mu bhanga fesa ua muvu ua Sábhalu, mu sambuadi joso ja mivu. (Makatukilu 23:10, 11) Kienhiki, tuala ni 69 a jisemana, kala semana i soka 7 a mivu, se tu bunda o mivu joso jiji, tua-nda kala ni 483 a mivu.

Kienhiki, etu’oso tua tokala ku bhanga o ji konda. Se tu kondala 455 A.K.K., katé 483 a mivu, tua-nda suka katé ku muvu ua 29 K.K. Iú uene o muvu ua batizala Jezú, iu ua kituka Mexiia!* (Luka 3:1, 2, 21, 22) O ki kumbidilu kiki, ki kilondekesa muene kuma ki kumbidilu kia Bibidia?


*  Tundé ku muvu ua 445 A.K.K. katé ku muvu 1 A.K.K. ki tenesa 454 a mivu. Tundé ku muvu 1 A.K.K. katé ku muvu1 K.K. ki tenesa muvu umoxi ngó. Tundé ku muvu 1 K.K. katé ku muvu ua 29 K.K. ki tenesa 28 a mivu. Ku muvu ua 33 K.K., Jezú “a mu jibha” mu 70 dia jisemana ja mivu.’ (Daniiele 9:24, 26) Tanga o divulu, Preste Atenção a Profecia de Daniel! Mu kibatulu 11, ni divulu Estudos Perspicaz das Escrituras, volume 3, mu jimbandu ja 582-5. a di bhange ku Jimbangi ja Jihova.

“MAKUINHI A SAMBUADI DIA SEMANA”
490 a mivu
7 dia semana
(49 a mivu)
62 dia semana
(434 a mivu)

←A.K.K. | K.K.→

semana 1
(7 dia mivu)
455

‘Kia bhana o kitumu phala ku tunga dingi…Jeluzaleme’

Jeluzaleme i kala kiphulungunzu
406

Jeluzaleme a i tunga dingi

Ku tunga dingi Jeluzaleme
29

O kuíza kua Mexiia

Jezú a mu batizala
33

O Mexiia a “mu jibha”

Jezú a mu jibha
36

O disukilu dia “makuinhi a sambuadi dia semana”

Disoladi mukua Loma

← Tanga o kibandekesu kia bhingi o kibatulu