TALA o mixi ioso íii ia lebha, o ithulu ia iuka ni milundu ionene. Kiki ki kididi kia iuka? Tala o kangulungu ka mudia bhu maku dia mona-ndenge. Tala ué o jihoji ni jikabalu jemana mu iangu. Eie ku mesena ku tunga bhu kididi kála kiki?

Nzambi ua mesena kuma eie u kala ni muenhu ua kalelaku mu palaízu mu ixi. Muéne kandale kuila eie u kala ni ndolo, kála kiala o athu lelu. Íii iene i kanena o Bibidia kua ió, a-nda kala ni muenhu mu palaízu ia ubhe: ‘Nzambi ua-nda kala nâ. Ki kua-nda kala kufuá né kudila, mba ndolo. O ima iokulu ia-nda bhita.’

Jezú ua-nda bhanga kuila o ima íii ia madiuanu i bhita muene. Eie uejiia se kizuua kuxi? Kiene, kioso muéne kia-nda zubha o kuiibha kuoso, ni athu aiibha mu ixi. Lembalala kuma, kioso Jezú kia kexile mu ixi, ua sake o mauhaxi a athu, ni ua bheka athu ku muenhu. Jezú ua bhangele kiki phala ku idikisa ia-nda bhanga mu ixi ioso, kioso muéne kia-nda kála Sobha ia utuminu ua Nzambi.

Xinganeka hanji, kiebhi kia-nda kala o palaízu ia ubhe mu ixi! Jezú ni ió a solo muéne, a-nda tumina ku diulu. O ji nguvulu jiji, a-nda tambula konda ia athu oso mu ixi, phala a kale ni kisangusangu. Ndoko tu tale ihi i tua tokala ku bhanga phala Nzambi a tu bhane muenhu ua kalelaku mu palaízu ia ubhe.

Dijingunuinu 21:3, 4; 5:9, 10; 14:1-3.

Kifika kia palaízu


Ibhuidisu

  • Kála ki zuela o Bibidia, ima iahi iambote i tua
  • Ihi i kanena o Bibidia phala athu a
  • Mu thembu kuxi Jezú ua
  • Kioso Jezú kia kexile mu ixi, ihi ia bhangele phala kuidikisa ioso ia
  • Ihi Jezú ni ji nguvulu jê ja diulu a kanena kuila ia

Ibhuidisu ia mukua

  • Tanga Dijingunuinu 5:9, 10.

    Mukonda diahi tu tena ku kala ni kidielelu kuma ió a-nda tumina mu ixi, mu Utuminu ua Midi ia mivu, a-nda kala jisobha ni akunji ambote ni akua henda? (Efe. 4:20-24; 1 Phe. 1:7; 3:8; 5:6-10)

  • Tanga Dijingunuinu 14:1-3.

    Ihi i jimbulula o kisoneku kia dijina dia Tata ni dia Kambudi bhu mabhômo a 144.000? (1 Kol. 3:23; 2 Tim. 2:19; Dij. 3:12)