Saúlu ua kituka sobha ia dianga ia Izalaiele. Maji Jihova ka mu xikana, kienhiki ua solo Davidi phala ku kala sobha bhu kididi kiê. Tua-nda kuijiia maka avulu alungu ni Davidi. Kioso kiexile hanji muzangala, muéne ua bhângele ni dizonda Ngoliia. Kienhiki, muéne ua lengele mukonda dia difuba dia Sobha Saúlu. Kienhiki-phe, o muhatu ua uabha Abingaili, ua mu fidisa ku bhanga kima kiaiibha.

Ku pholo, tua-nda dilonga maka avulu alungu ni mon’a Davidi, Solomá, ua lundula o kididi kia Davidi kia sobha ia Izalaiele. O jisobha jitatu ja dianga ku Izalaiele, a tumina mu 40 a mivu. Kiki-phe, Solomá uafú, Izalaiele a i uanene mu ma utuminu aiadi, mu utuminu ua thunda, ni mu utuminu ua luiji.

O utuminu ua 10 dia-diembu dia thunda, ua tumina katé mu 257 dia mivu, ande dia ku a buika ku akua Asídia. Kia bhitile 133 a mivu, o diembu-dia kaiadi dia utuminu ua luiji a u buikile ué. Mu kithangana kiki akua Izalaiele a ambata kála abhika mu Babilonha. Mu kienhiki, o Kibatu kia KAUANA kiasoko 510 dia mivu ia musoso, mu thembu ioso íii kua bhiti ima iavulu kála ki tua-nda mona.

Sobha Solomá ua mu samba