Kioso kiafú Jezú, mu kizuua kia katatu ua fukunuka. Mu kizuua kieniókio muéne ua monekena ku akaiedi’ê mu veji jitanu. Jezú ua kolokota ku a monekena mu 40 a izuua. Kioso o maxibulu mê kia kexile hanji mu tala, Jezú ua bande ku diulu. Mu ku bhita dikuinhi dia izuua, Nzambi ua tumikisa o nzumbi ikôla ku akaiedi a Jezú akexile mu kinga mu Jeluzaleme.

Kua bhiti kithangana, o jinguma ja Nzambi a te o jipoxolo mu kaleia, maji o anju ia a katula. O dixibulu Xitevá a mu bundu ni matadi katé kiafú. Maji tua-nda dilonga kiebhi Jezú kia solo nguma imoxi phala ku kala selevende iê ia kazola, iu ua kituka poxolo Phaulu. Kienhiki kioso kiafú Jezú, kua bhitile mivu itatu ni kaxaxi, Nzambi ua tumikisa poxolo Phetele phala kubokela Koloneliu ni muiji uê, ki uexile Jijudé.

Mu ku bhita 13 ia mivu, Phaulu ua mateka o njila iê, ia dianga ia kuboka. Mu njila iê ia kaiadi, Timote ua diongeka ni Phaulu. Tua-nda kijiia kiebhi Phaulu ni makamba mê, a sangulukile mu ku bhanga o sidivisu ia Nzambi. Mu kusukáko, Phaulu a mu te mu kaleia mu Loma. Mu ku bhita mivu iiadi, muéne a mu katula mu kaleia, maji kia vutuka dingi mu kaleia, mu veji íii a mu jibha. O izulukutu mu Kibatu kia 7, kia bhitile mu 32 a mivu.

O mukengeji ua bhenha kua Saúlu