O anju Ngabidiiele a mu tumina ku zuela ni muhatu, a mu ixana, Madiia. Muéne ua mu ambela kuma ua-nda vuala mona, ua-nda tumina kála sobha katé ku hádia. O mona, Jezú, a mu vuala mu kidilu kia ibhaku, kuendele abhidi ku mu menekena. O maiala a endesa ku théthembua tundé ku Thunda, katé ku mona. Tua-nda kuijiia se nanhi ua a bhangesa ku mona o théthembua íii, ni kiebhi Jezú a mu bhulula kioso kia mesene ku mu jibha.

Tua-nda dilonga maka alungu ni Jezú, kioso kia kexile ni 12 ia mivu, mu zuela ni jimesene mu tembulu. Mu ku bhita dikuinhi ni dinake dia mivu, Jezú a mu batizala, iu ua mateka o kikalakalu kia kulonga o maka alungu ni Utuminu ua mu tumina Nzambi ku bhanga mu ixi. Phala ku mu kuatekesa mu kikalakalu kiki, Jezú ua solo 12 ia maiala, iu ua a bhange jipoxolo jê.

Jezú ua bhange ué madiuanu avulu. Muéne uadisa midi ja athu, ni tu mbiji, ni jimbolo jofele. Ua sake jihaxi iu ua fukununa o athu. Mu kusukáko, tua-nda dilonga ima iavulu ia bhitile ni Jezú, katé ku izuua ia sukina ku muenhu uê, ni kiebhi kia mu jibha. Jezú ua boko mu mivu itatu ni kaxaxi, o KIBATU kia 6 kia soko 34 a mivu ndenge.

Jezú ua boko