TALA Josuué. Muéne ua zuela: ‘Muanha imana! Inga o muanha uemana muene. Uemana mu kaxaxi ka diulu, mu kizuua kia muvimba. Jihova ua bhange kiki! Ndoko tu tale mukonda diahi Josuué ua mesenene kuila o muanha u muika kizuua kia muvimba.

O muanha

Kioso o jisobha jitanu jaiibha ja ixi ia Kanana, a mateka ku bhânga ni akua Ngibiione, akua Ngibiione a tumikisa muthu phala ku bhinga kikuatekesu kua Josuué. Muéne uambe ‘Za ni lusolo luoso!’ Tu bhulule! O jisobha joso ja mulundu eza mu bhânga ni abhik’ê.’

Josuué uai ni lusolo ni masoladi mê. Ene ende usuku uoso. Kioso kia bhixila ku Ngibiione, o masoladi a jisobha jitanu akexile ni uôma, ni a lenge. Kienhiki, Jihova ua lundumukisa nvula ia matadi ku diulu, o matadi a tundu ku diulu a beta-kota mu jibha o masoladi, o a jibha o masoladi a Josuué, ndenge.

Josuué

Josuué ua mono kuila kua kambe ngó, kumbi dieji fuá. Kua-nda vunda, o masoladi a jisobha jitanu eji lenga. Mukonda dia kiki, Josuué ua sambe kua Jihova, uambe: ‘Muanha imana!’ Kioso o muanha ki uemana, akua Izalaiele a nganhala o ita.

Kua kexile hanji jisobha jaiibha mu Kanana a zembele o mundu ua Nzambi. Kua bhiti mivu isamanu, phala Josuué ni masoladi mê, ku nganhala o 31 ia jisobha. Kia nganhala, Josuué ua uane o ixi ia Kanana, mu madiembu, ni jimbambe.

Kua bhitile mivu iavulu, mu kusukáko Josuué uafú, mu 110 dia mivu. Kia kexile hanji ku muenhu, muéne ni akuâ, o mundu ua belesele hanji Jihova. Maji kiafú athu oso ambote, o mundu ua mateka ku bhanga ima iaiibha, ni ku di bhekela ibhidi. Kiene ngó kia mesenene o kikuatekesu kia Nzambi.

Josuué 10:6-15; 12:7-24; 14:1-5; Afundixi 2:8-13.



Ibhuidisu

  • Mu fikula, ihi Josuué ua mu bhinga, ni mukonda diahi?
  • Kiebhi Jihova kia kuatekesa Josuué ni masoladi mê?
  • Sobha jikuxi ja nganhala Josuué, ni thembu ikuxi ia bhangele kiki?
  • Mukonda diahi Josuué ua uane o ixi ia Kanana?
  • Mivu ikuxi ia kexile na-iu Josuué kioso kiafú, ni ihi ia bhitile ni mundu ku pholo?

Ibhuidisu ia mukua

  • Tanga Josuué 10:6-15.

    O kuijiia kuma Jihova ua bhangesa o muanha ni dieji kuimana, i tu bhana kidielelu kiahi lelu? (Josu. 10:8, 10, 12, 13; Jisá. 18:3; Jisa. 18:10)

  • Tanga Josuué 12:7-24.

    Mu kidi, nanhi ua buikisa o 31 ua jisobha ja Kanana? Mukonda diahi kiki kima kiambote phala etu lelu? (Josu. 12:7; 24:11-13; Mate. 31:8; Luka 21:9, 25-28)

  • Tanga Josuué 14:1-5.

    Kiebhi kia uane o ixi mu madiembu a akua Izalaiele? Ihi idikisa ia lungu ni ku lundula o Palaízu? (Josu. 14:2; Iza. 65:21; Ize. 47:21-23; 1 Kol. 14:33)

  • Tanga Afundixi 2:8-13.

    Kála Josuué mu Izalaiele, nanhi ua mu kalakala lelu, phala ku zubha ni ilongesu ia makutu? (Afun. 2:8, 10, 11; Mat. 24:45-47; 2 Tes. 2:3-6; Tito 1:7-9; Dij. 1:1; 2:1, 2)