Mozé uendesa akua Izalaiele tundé ku ubhika mu Ijitu katé ku Mulundu ua Sinai, kuenhoko kuene Nzambi kua bhanene o itumu iê. Anga Mozé u tumina 12 kia maiala ku londa o ixi ia Kanana. Maji o 10 diâ a vutuka ni njimbu iaiibha. Ene a bhangesa o mundu ku mesena ku vutuka mu Ijitu. Mukonda dia ku kamba o kixikinu, Nzambi ua a kaxtikala mu ku a xisa mu kikangalakata mu 40 a mivu.

Mu kusukáko, Josuué a mu solo phala kuendesa akua Izalaiele katé mu ixi ia Kanana. Phala ku a kuatekesa ku tambula o ixi, Jihova ua bhange madiuanu. Muéne ua bhangesa o menha a Ngiji ia Njolodá ku’imana, ni ilumbu ia Jedikó ku lundumuka, ni muanha ku’imana mu kizuua kia muvimba. Kua bhitile mivu isamanu phala ku tambula o ixi ia akua Kanana.

A mateka ni Josuué, akua Izalaiele a a tumina ku afundixi mu 356 ia mivu. Tua-nda dilonga maka alungu ni ene, kála Balake, Ngidiione, Jefete Sansau ni Samuuele. Tua-nda tanga ué, maka alungu ni Lahaba, Debola, Jaiele, Lute, Nouemi ni Dalila. Mu Kibatu kia KATATU kioso muala 396 ia mivu ia musoso.

O balaka