Ku bokona mu madisá

Ku bokona mu madisá

Musoso 28: Kiebhi Kia Bhulula o Kamona Mozé

Musoso 28: Kiebhi Kia Bhulula o Kamona Mozé

TALA o kamona ka mu dila iu ua kuata ku mulembu ua kilumba. Muéne Mozé. Eie uejiia nanhi o kilumba kiki kia uabha? Muéne mon’a Falaó, sobha ia Ijitu.

Mon’a Falaó u bonga Mozé

Manh’a Mozé ua mu suekele katé kia tenesa mbeji jitatu, mukonda muéne ka mesene kuila a mu jibha ku akua Ijitu. Maji muéne uejidile kuma Mozé eji mu sanga, kienhiki muéne ua bhange kiki phala ku mu bhulula.

Muéne ua kuata o kinda ua ki iudika kiambote phala ki ki bokone menha. Kiki-phe, muéne ua tula-mu Mozé, iu ua tula o kinda mu iangu ia Ngiji ia Nilu. Midiiana phange ia Mozé uakexile mu zongojola phala ku mona se ihi ieji bhita.

Mu kithangana kieniókio, mon’a Falaó uéza mu zóua mu Ngiji ia Nilu. Muéne ua mono o kinda mu iangu. Uexana o selevende iê: ‘Ka ngi takanene o kinda kiná.’ O mon’a sobha kia ki jikula, ua mono kamona ka uabha! O kamona Mozé uakexile mu dila, iu ua mu kuatele henda. Muéne ka mesenene kuila a mu jibha.

Kienhiki, Midiiana ua zukama. Ua mu mu mona mu fikula. Midiiana uebhula mon’a Falaó: ‘Ua-ndala ngia mu takana muhatu ua mukuá Izalaiele phala ku sasela o kamona?’

Mon’a sobha ua tambuijila ‘Ndé, nga ku dióndo.’

Kienhiki, manh’a Mozé ua sase o mon’ê. Kioso Mozé kia kulu manh’â ua mu ambata kua mon’a Falaó, iu uexile mon’ê. Kienhiki, Mozé ua kudila kubhata dia Falaó.

Makatukilu 2:1-10.



Ibhuidisu

  • Nanhi o kamona mu fikula, o mulembu ua kuata ua nanhi?
  • Ihi ia bhangele mama ia Mozé phala ku mu bhulula o muenhu?
  • Nanhi o kilumba mu fikula, ni ihi ia bhangele muéne?
  • Kioso o mona Falaó kia sangele o kamona, ihi iambele Midiiana?
  • Ihi iambe o mon’a sobha kua manh’â Mozé?

Ibhuidisu ia mukua

  • Tanga Makatukilu 2:1-10.

    Thembu ahi ia kexile na-iu mama a Mozé phala ku mu longa mu u ndenge uê? Phangu iahi i bhana ku jitata lelu? (Mak. 2:9, 10; Dia. 6:6-9; Jisa. 22:6; Efe. 6:4; 2 Tim. 3:15)