O mbandu íii i tu longa ia lungu ni minzangala, jipolofeta, ni jisobha ja londekesa ufiiele kua Jihova. Mu ixi ia Sídia, mua kexile mon’a kilumba mukua Izalaiele, ua kexile ni kixikanu kuila o polofeta ia Jihova ueji saka o uhaxi ua Naamane. Polofeta Ilizeu ua dielele kuila Jihova ueji mu bhulula bhu maku a jinguma jê. O Mukunji ua Dikota Joiada ua te o muenhu uê mu kiluezu phala kulanga o kamona Jouaji bhu maku a kuku’ê, Ataliia. Sobha Ezekiia ua dielele kuila Jihova ueji bhulula o mbanza ia Jeluzaleme, mukonda dia kiki ka bhana mátui mu itateku ia akua Asídia. Sobha Joziia ua bhuisa o ubhezelu ua iteka mu ixi ioso, ua jikula dingi o tembulu, anga ua bhangesa o mundu kuvutuka mu ubhezelu ua kidi.