Kioso kia bhiti o Dilúviu, o tuana tua Noué a vualele ana avulu. Mu kubhita thembu o miji ia vudile, mu kiki o miji ia mateka ku dimuanga mu ngongo ioso, mukonda kiene kia tumine Jihova.

Maji athu a mukuá, ka mesenene kubelesela o kitumu kia Jihova. Ene a zuela: ‘Ki tua-ndaia mu tunga mu ixi ioso. Tua-nda tunga muene bhabha etu enioso. Tua-nda tunga mbanza ni sabhalalu ia lebha kiavulu i bhixila ku diulu phala tu kale ni fuma iavulu.’

 Jihova ka sangulukile ni ima ia kexile mu bhanga o athu iá. Uejiia se ihi ia bhange? Muene ua a bhangesa kuzuela mu madimi avulu. Kuma ka kexile dingi mu ditendela múdia, a lembua kutunga o sabhalalu. Mu kiki, o mbanza ia kexile mu tunga, a i xanene Babele, ilombolola “kavuanza.” Kiki kia bhangesa o athu kudimuanga mu ngongo ioso. Maji ene a suluka mu kubhanga o ima iaiibha. O kuila mu mbanza ki muexile dingi muthu ua zolele Jihova? Tu mone o kibatulu kupholo..

‘Uoso u dizangeleka a mu tulula, uoso-phe u ditulula a mu zangeleka.’​—Luka 18:14