O kikanenu kia Nzambi kia lungu ni kubhilula o ima ku ubhe, kiala mu divulu dia Izaia kibatulu 65, ki tu dielelesa kuila, Jihova ua kexile mu zuela ia lungu ni kikanenu kiki, kala ua ki kumbidile kiá.

Jihova ua kà iudika maúlu mobhe ni ixi iobhe; o ima ia bhiti kiá ka-nda i banza dingi

65:17

Ihi i lombolola o maúlu mobhe?

  • A lombolola unguvulu ua ubhe, ua-nda bhekela ukexilu uambote ua muenhu mu ixi

  • O unguvulu iú, a u tumbika ku muvu ua 1914, kioso Kristu kia mu undu kála Sobha ia Utuminu ua Nzambi

Ihi i lombolola o ixi iobhe?

  • Ixi iobhe ilombolola o athu a maukexilu oso, akua jixi joso, madimi moso, ikonda ki i difu, a kà belesela o ukexilu ua kutumina ua unguvulu ua ubhe ua diulu

Kiebhi o ima ia bhiti kiá ka-nda i banza dingi?

  • O ima ia bhiti n’etu i tu lembalesa ima iaiibha—ku mukutu, mu kilunji—ki ia-nda kala-ku dingi

  • Athu a fiiele a-nda zediua ku muenhu katé ku hádia ni hádia, ene ka-nda jimba dingi o ima iambote ia-nda mona ku kizuua ni kizuua