Ku bokona mu madisá

Ku bokona mu madisá

 WENDELU WA UKIDISTÁ

“Suluka mu Kuxinganeka mu Ima Yiyi”

“Suluka mu Kuxinganeka mu Ima Yiyi”

Ima yebhi? Filipe 4:8 yamba kwila, mu xinganeka o ima yoso ya kidi, yoso ya ujitu, yoso ya yuka, yoso ya zele, yoso ya wabha, yoso yene ku i tumbula kyambote, yoso ya kuximana. Kiki ki kilombolola kwila o Jikidistá a tokala kubanza kya ngó mu milongi ya Bibidya mu ithangana yoso. Maji né kiki, o ima i tu xinganeka ya tokala kukala ima ya wabhela Jihova. Twa tokala kuxinganeka mu ima i tena kukolesa o kixikanu kyetu kwa mwene.—Jis 19:14.

Sayi bhabha, kubhonza kweha o kukala ni ibanzelu ya yibha. Etu ki twa mu bhânga ngó ni ituxi yetu, maji twa mu bhânga we ni Satanaji, “o nzambi yayibha ya mundu yú.” (2Ko 4:4) Mukonda mwéne wene mu funyisa o ima yoso i bhita mu mitelembe, kikale o minangu ya mutelembe wa izunzumbya, mutelembe wa ifofo, internete, madivulu mba jijurnale. Se ki tu solo kyambote o ima i zalesa o kitongolwelu kyetu, o ima i tu banza ya-nda funyisa o ixinganeku yetu ni ima i tu bhanga.—Tiy 1:14, 15.

TALA O VIDYU, LENGA O IMA I ZOZESA O UFIYELE WÉ—O ITONOKENU YA IBHA, MU KUSULUKA TAMBWIJILA O IBHWIDISU YA KAYELA:

  • Ihi ya kexile mu mona o phange ku mutelembe wê, ni ihi ya bhiti ni mwene mukonda dya kutala o ima yiyi?

  • Kyebhi o divulu dya Ngalásya 6:7, 8 ni Jisálamu 119:37 dya mu kwatekesa?