Ku bokona mu madisá

Ku bokona mu madisá

 WENDELU WA UKIDISTÁ

Kubandekesa o Uhete Wetu mu Ukunji—Kumateka ku di Zwelesa ni Muthu, Kubhangesa ku mu Bhana Umbangi

Kubandekesa o Uhete Wetu mu Ukunji—Kumateka ku di Zwelesa ni Muthu, Kubhangesa ku mu Bhana Umbangi

Jezú wa tena o kubhana o umbangi ku muhatu mukwa Samádya, mukonda wa mateka ku dizwelesa-nê. Kyebhi ki tu tena kubandekesa o uhete wetu, mu kumateka kuzwela ni muthu ki tu mwijiya?

  • Mu kulondekesa ngalasa mu kuzwela ni muthu. Né mwene wa tohokele, Jezú wa mateka o kuzwela mu kubhinga menya. Eye u tena kumateka mu kumenekena o muthu ni ngalasa yoso, nange u tena kuzwela ya lungu ni ithangana, mba kizulukutu kya mu bhita mu izuwa yetu. Di lembalale se mukonda dyahi wa mu zwela ni muthu, mu kiki zwela ima ya-nda mu bhangesa kubhana mátwi. Sé mwene ka ku tambwijila, o nguzu i wa bhange ki ya ki ngoho. Fikisa dingi ni muthu wengi. Bhinga kwa Jihova phala n’a ku bhane o kuswina.—Ne 2:4; Ik 4:29.

  • Kyoso ki kumoneka kithangana, kana kukala ni kisuka kya kuzwela, tonginina kyambote o kithangana kya kubhana o umbangi. Suluka ni kuzwela-nê katé ki bhu moneka o kithangana. Se u mu jijidika phala kuzwela neye, o muthu ka-nda divwa kyambote, mu kiki ka-nda mesena kuzwela neye. Kana kudivwa kyayibha se mu zumbuka o kuzwela ande dya ku mu bhana umbangi. Se o kumateka o kubhana umbangi wa lungu ni njimbu yambote ki kubhonza, fikisa o kuzwela ni muthu, maji sé kumesena kubhana umbangi. [Xika ni kujimbulula o vidyu 1.]

  • Sota ndunge ya ku mu bhana umbangi, mu kuzwela ya lungu ni kixikanu kyê mba o ima i u xikina, phala o muthu wa mu zwela-nê a zwele kima kya mesena ku mu lombolwela na-kyu. Jezú wa zwela ima ya tokala ya bhangesa o muhatu ku mu bhanga ibhwidisu. Ku disukilu, kyoso mwene kya mateka kuzwela ya lungu ni njimbu yambote, Jezú wa kexile mu tambwijila kyá ngó o ibhwidisu ya muhatu. [Xika ni kujimbulula o vidyu 2, mu kusuluka xika we o vidyu 3 ni u i jimbulule.]