O kisuma kia Izekiiele kia lungu ni tembulu, kia suinisa o Jijudé jexile ku ubhika, mukonda kia a bhangesa kudielela kuila, eji mateka dingi kubhanga o ubhezelu ua kidi. Mu izuua íii i sukidila-ku, o ubhezelu ua kidi ua “beta kuzangalala o milundu ioso.” Tuala bhu kaxi ka athu a ifuxi ioso, a lengela ku mulundu iú. (Iz 2:2) O kuila uene mu xinganeka mu ujitu ue ua kuijiia Jihova ni ku mu sidivila?

MABESÁ A UBHEZELU UA KIDI:

  • Kudia kuavulu mu nzumbi ku tu kuatekesa kuijiia o itambuijilu ia ibhuidisu ia beta-o-kota ku muenhu, milongi i tu kuatekesa kizuua ni kizuua, ni kidielelu kia kidi. —​Iz 48:17, 18; 65:13; Lo 15:4

  • O jiphange jetu ja henda ku mundu uoso​—Jis 133:1; Nz 13:35

  • O ujitu ua kukalakala ni Nzambi, mu kubhanga o kikalakalu kia di tungula, ki bheka o kisangusangu kia dikota.​—Ik 20:35; 1Ko 3:9

  • “O kutululuka kua Nzambi,” ku tu suinisa mu ithangana ia jiphaxi.​—Fi 4:6, 7

  • O kitongoluelu kia zele.​—2Ti 1:3

  • ‘O ukamba uambote ni Jihova.’​—Jis 25:14

Kiebhi ki ngi tena kulondekesa kuila, ngi bhana valolo ku ubhezelu ua kidi?