Ku bokona mu madisá

Ku bokona mu madisá

 WENDELU WA UKIDISTÁ

“Phawulu wa sakidila Nzambi, Anga u Swina”

“Phawulu wa sakidila Nzambi, Anga u Swina”

Kyoso o kilunga ku Loma kyevu kwila Phawulu yu wiza, a tumikisa jiphange phala kudisanga-nê, ene a bhingile kwenda 64 a jikilómetulu. Kyebhi Phawulu kya divu mu kumona o henda yâ? “Phawulu kya di mono-nâ, wa sakidila Nzambi, yú wa tana-ku dingi.” (Ik 28:15) Sumbala Phawulu a mwijidile kwila, mwene mukwa kuswinisa o ilunga ya kexile mu kunda, maji mu kithangana kya kexile mu kaleya, mwéne wa bhindamene o kiswinisu.—2Ko 13:10.

Lelu, o tufunga twa ilunga a kunda kilunga ni kilunga phala kuswinisa o jiphange ja mala ni ja ahatu. O mundu woso wa Nzambi, sayi ithangana u bhita mu ibhidi kala: kutohoka, hele, ni kuluwala. Kyoso o kafunga ka ilunga ni muhatu’ê kya-nda kunda o kilunga kyê, ihi i u tena kubhanga phala kwa a swinisa, ni mu ‘di konde o malamba’?—Lo 1:11, 12.

  • Kwatekesa o kyônge kya sidivisu ya kuboka. Kyoso o aboki kya bhanga nguzu phala kuboka mu semana yoso ya katunda, kiki kiswinisa o kafunga ka ilunga. (1Te 1:2, 3; 2:20) Kalakala kala muboki wa kithangana ni kithangana mu mbeji ya mu mi kunda. O kwila u tena kudibhakula phala kukalakala ni kafunga ka ilunga mba muhatu’ê mu ukunji, mba kuya mu Longa o Bibidya ku dixibulu dyê ni ene? Ene a sanguluka mu kukalakala ni aboki avulu, katé mwene ni aboki a ubhe, ni yó kala hanji ni uhete mu ukunji.

  • Kala u muthu wa kuzalela. O kwila u tena kwa zalela mu inzo yé mba kwa bhana kudya? Mu kubhanga kiki, wa-nda londekesa ku kafunga ka ilunga ni muhatu’ê kwila wa a zolo. Ene ka bhingi kwa bhangela ima ya katunda.—Lu 10:38-42.

  • Ívwa, kumbidila o itendelesu ni jindunge jê. O kafunga ka ilunga ni henda yoso u tu kwatekesa kumona kyebhi ki tu tena kusanzumuna o sidivisu yetu kwa Jihova. Sayi ithangana, mwene u tena ku tu bazela. (1Ko 5:1-5) Mwene u sanguluka kyoso ki tu tumaka ni kubelesela o jindunge jê.—Jih 13:17.

  • Kusakidila. Tangela o kafunga ka ilunga ni muhatu’ê kyebhi o nguzu ya bhanga ene, ya ku kwatekesa. Eye u tena kubhanga kiki mu kuzwela na-u, mba ku a tumikisa njimbu mba kamukanda.—Ko 3:15.