Phala kutunga o tembulu mu Izalaiele, kua bhingile nguzu ni kitadi. Maji, o akua Izalaiele a kuatekesele ni kusuína kuoso. (1Mal 29:2-9; 2Mal 6:7, 8) Kioso kia zubha kutunga o tembulu, o kuzelesa ni kuiudika, kua londekesele se akua Izalaiele a zolele Nzambi mba kana. (2Ji 22:3-6; 2Mal 28:24; 29:3) Lelu, o Jikidistá a bhanga nguzu mu kutunga, kuzelesa ni kuiudika o Ididi ia Ubhezelu ni Ididi ia Iônge ia Makota. Kukalakala ni Jihova mu ukexilu iú ujitu ua dikota, ua lungu uê ni ubhezelu uetu.—Jis 127:1; Dij 7:15.

TU TENA KUKUATEKESA MU . . .

  • Kuxixila mu disukilu dia iônge. Se o nguzu iê ki i soko, zelesa bhu kididi kiê.

  • Kuatekesa izuua ioso, kuxixila ni kuiudika o Kididi kia Ubhezelu. O ki kuatekesu kia athu avulu ki bhekela kisangusangu.—lv 92-93 §§18.

  • Kuatekesa mu kusangela kitadi. Né muene ‘kitadi kia tolo o valolo,’ se a ki bhana ni muxima uoso, Jihova u sanguluka.—Mar 12:41-44.

  • Se uala ni kithangana, di sokejeke phala kukuatekesa kutunga ni kuiudika o ididi ia ubhezelu. Phala kukuatekesa ki kubhingi kukala ni uhete ua kutunga.