O Lembalasa i tu bhangesa kuxinganeka mu mabesá u tua-nda tambula ku hádia, mukonda dia sata ia kukula, kala o difukunukinu. Jihova ka mesenene kuila o athu a fuá. O kima ki tu bhangesa kuluuala kiavulu, o kufunda muthu u tua zolo. (1Ko 15:26) Jezú ua didi, mu kumona o maxibulu mê kudila Lázalu. (Nz 11:33-35) Jezú muthu ua iuka, ulondekesa kiambote o idifuá ia Tat’ê, kiki ki tu bhana kidielelu kuila, Jihova u divua ué kia iibha kioso ki tu luuala mukonda dia kufunda muthu u tua zolo. (Nz 14:7) Jihova uala ni hanji ia kufukununa o athu, kiene ué ki tua tokala kukala.—Job 14:14, 15.

Tuejiia kuila Jihova ki Nzambi ia kavuanza, kiki ki tu bhana kidielelu kuila, o difukunukinu dia-nda bhita mu ukexilu uambote. (1Ko 14:33, 40) Ki tua-nda mona dingi athu a mua funda, maji tua-nda kala ni kithangana kia kusangesa o athu a fukunuka. Kioso ki u funda muthu ua mu zolo, o kuila uene mu xinganeka mu difukunukinu? (2Ko 4:17, 18) O kuila uene mu sakidila Jihova, mukonda dia sata ia kukula ni ku tu londekesa mu Bibidia kuila, o athu a-nda ku a fukununa?—Ko 3:15.

  • Makamba ni jindandu jebhi, ji ua mesena ku a mona dingi?

  • Nanhi o muthu a mu tange mu Bibidia, ua mesena kuzuela ni kudisanga nê?