9:1-7

Kyoso Jezú kya kituluka, xinganeka kyebhi kya divu mu kwívwa Tat’ê ya dyulu kuzwela kwila mwene mon’ê, ni kwila Mwene wa mu zolo. Sé phata kiki kya swinisa dingi Jezú kukolokota mu hadi yoso yeji dibhana na-yu. O kisuma kiki kya kwatekesa Phetele, Tiyaku ni Nzwá kuxikina ni kidi kyoso kwila Jezú Mwene o Mexiya, ni kwila akexile mu bhanga kima kyambote mu ku mwivwa. Mu kubhita 32 a mivu, Phetele wa sulukile mu kuxinganeka ni kidi kyoso o kithangana kiki ni kyebhi o kisuma kiki kya mu kwatekesa kudyelela dingi mu ikanenu ya Nzambi.—2Ph 1:16-19.

Sumbala ki twa mono ni mesu metu o kisuma kiki, maji lelu etu twa mu mona o kikumbidilu kyê. Ni kutena kwoso Jezú wa mu tumina kyá kala Sobha. Kwa kambe ngó mwene wa-nda ‘luwa ni kutolola o jinguma jê,’ mu ku jikula o njila yambata ku mundu wobhe.—Dij 6:2.

Kyebhi o kumona o ikanenu ya Bibidya ku dikumbidila, ki kolesa dingi o kixikanu kyé?