Ku bokona mu madisá

Ku bokona mu madisá

 UENDELU UA UKIDISTÁ

U a Sangesa ni Kisangusangu Kioso

U a Sangesa ni Kisangusangu Kioso

Kusangesa a nanhi? Muthu uoso-uoso u xikina kuia mu iônge ietu—kikale ió aia mu veji ia dianga, mba o makamba metu okulu. (Lo 15:7; Jih 13:2) Kala o jiphange jetu endele njila ia lebha mu kunda o jixi jengi, ni ió a zoza mu nzumbi, ai mu veji ia dianga mu kiônge, mu kubhita mivu iavulu. Dixinganeke kiebhi ki ueji divua, se ki bhita n’eie. O kuila ki ueji uabhela se a ku menekena ni ngalasa ioso? (Mat 7:12) Mu kiki-phe, o kuila u tena kubhanga nguzu ia kuia bhu Kididi Kia Ubhezelu, phala kumenekena akuenu ande dia kubhua o iônge, ni kioso ki bhua o kiônge? O ukexilu iú, u bandekesa o kisangusangu ni henda ku jiphange, ni kubhana kijingu kua Jihova. (Mat 5:16) Mu kidi, nange ki ua-nda kala ni kithangana kia kuzuela ni athu oso. Maji né kiki, oso a-nda divua kiambote, se eie u bhanga o mbandu ié. *

Etu ki tu sangesa ngó o ajitu mu kithangana kia Lembalasa, kana, maji mu ithangana ioso. Kioso o athu kiaia mu veji ia dianga mu kiônge, kia mona o henda ia kidi ia Jikidistá, nange ene a-nda ximana Nzambi ni kuxikina ku di bunda kumoxi n’etu mu ubhezelu.Nz 13:35.

^ kax. 3 O itumu ia Bibidia i tu fidisa kuzuela ni athu a a kaie mu kilunga, né muene kioso ene kiaia mu iônge.—1Ko 5:11; 2Nz 10.