Jezú wa tu xila phangu phala ku mu kayela, benge-benge kyoso ki tu dibhana ni ibhidi mba izukutisu. (1Ph 2:21-23) Sumbala Jezú a mu lokalele, mwene nuka wa a vutwile phonzo, né mwene kyoso kya kexile mu tala hadi. (Mar 15:29-32) Ihi ya mu kwatekesa kukolokota? Mwene wa solo kubhanga ngó o vondadi ya Jihova. (Nz 6:38) Mwene we wa kexile ku mesu a zele mukonda dya “kusuwa o ngalasa ya mu idikiza.”—Jih 12:2.

Kyebhi ki tu divwa kyoso kya tu talatala kya yibha mukonda dya kixikanu kyetu? O Jikidistá ja kidi ka “vutwila phulu mu phulu.” (Lo 12:14, 17) Kyoso ki tu kayela o ukexilu wa Jezú wa ku dibhana ni jihadi, tu tena kusanguluka mukonda a tu xikina kwa Nzambi.—Mat 5:10-12; 1Ph 4:12-14.

TALA O VIDYU, O DIJINA DYA JIHOVA DYENE DYA BETA DINGI O KOTA, MU KUSULUKA, TAMBWIJILA O IBHWIDISU YA KAYELA:

  • Kyebhi o phange Pötzinger * kya katula mbote mu kithangana kyê né mwene kyoso kya kexile ubheka mu kangolonda mba mu ibende?

  • Ibhidi yebhi ya dibhana na-yu o phange Martin ni phange Pötzinger, kyoso kya kexile mu kaleya?

  • Ihi ya a kwatekesa kukolokota?

Kyoso ki u bhita ni jihadi, kayela kyambote o makanda ma Jezú

^ kax. 6 O dijina didi a di soneka we kiki: Poetzinger.