Ku bokona mu madisá

Ku bokona mu madisá

 WENDELU WA UKIDISTÁ

Jitata, Kwatekesenu o Twana Twenu Kukula mu Nzumbi

Jitata, Kwatekesenu o Twana Twenu Kukula mu Nzumbi

O jitata a tena ku kwatekesa o twana twâ, mu kulonga mba kutudila o milongi ya Bibidya ku mixima ya twana twâ, tundé mu undenge wâ. (Mate 6:7; Ji 22:6) O kwila kubhinga nguzu? Xé kubhinga! Maji o mabesá éne a beta-o-kota.—3Nz 4. O jitata a tena kukatula mbote mu kukayela o phangu ya Zuze ni Madiya. Ene akexile muya “mivu yoso mu Jeluzaleme mu Fesa ya Phasu,” sumbala o kubhanga kiki kwa bhingile nguzu ni kungastala kitadi. (Lu 2:41) Nange Zuze ni Madiya a dyanga kuta kupholo o ibhindamu ya mwiji mu nzumbi. Kyene kimoxi we, lelu o jitata a tena kwendesa o twana twâ mu njila ya tokala, mu kwa longa kabasa kithangana, bhu kaxi ka izwelu ni ibhangelu, kifwa mu kwa bhana phangu yambote.—Jis 127:3-5.

TALA O VIDYU, ENE A KATULA MBOTE MU ITHANGANA YOSO YA KEXILE NA-YU, MU KUSULUKA TAMBWIJILA O IBHWIDISU YA KAYELA:

  • Kyebhi o phange Jon ni Sharon Schiller kya te o Utuminu wa Nzambi ku pholo, kyoso kya kexile mu sasa o twana twâ?

  • Mukonda dyahi o jitata a tokala kulonga, kwendesa, ni kubazela o twana mu kuxinganeka o ibhindamu yâ, muthu ni muthu?

  • Kyebhi o jitata kya tena kupelepalala o twana twâ, kukolokota kyoso kya dibhana ni ima i lola o kixikanu kyâ?

  • Jifalamenda jebhi ja bhange o kilunga, ji wene mu kwatekesa na-ju o twana twé phala a kule mu nzumbi?

Ta o ibhindamu ya mwiji wé mu nzumbi ku pholo