Ku bokona mu madisá

Ku bokona mu madisá

 UENDELU UA UKIDISTÁ

Kiebhi ki u Tena Kudilonga Kiambote o Bibidia

Kiebhi ki u Tena Kudilonga Kiambote o Bibidia

Ua mesena kulondekesa o ufiiele ué mu ithangana ia ibhidi, kála kia bhangele Daniiele? Daniiele ua kexile mu dilonga o Mak’â Nzambi ithangana ioso, katé muene ni milongi ia zongo ia lungu ni ikanenu. (Da 9:2) Kiebhi o kudilonga kiambote o Bibidia, ku tena ku ku kuatekesa kukolokota mu ufiiele ué? Ku tena kukolesa o kixikanu kié kuila, o ikanenu ia Jihova ia-nda di kumbidila. (Jos 23:14) Kukuatekesa ue kuzola dingi Nzambi; o henda íii ia-nda kusuinisa kubhanga o ima iambote. (Jis 97:10) Maji ua-nda mateka kuebhi? Kaiela o jindunge jiji.

  • Ihi i nga tokala kudilonga? Kudilonga kiambote, kua lungu ni ku di sokejeka kiambote phala o iônge. O kitangelu kia Bibidia kia semana, kia-nda ku kuatekesa dingi, se u sota kithangana phala kutokuesa o milongi ia bhonzo ku i tendela. Ki kiene ngó, sai athu a sota kuijiia dingi milongi ia lungu ni ikanenu ia Bibidia, milongi ia lungu ni kibundu kia nzumbi ikola ia Nzambi; o jinjila j’endele poxolo Phaulu mba o ibhangelu ia Jihova. Se u xinganeka mu kibhuidisu kia Bibidia, soneka-kiu, u ki bhange diambu phala o ubhezelu ué.

  • Kuebhi ku ngi tena kusanga o milongi? Phala kusanga o milongi, tala o vidiu, Jifalamenda ja Kutokuesa. Mu kifika, tokuesa ni u mone se mautuminu ebhi a mundu, a lombolola o iama io tange mu divulu dia Daniiele kibatulu 7.

  • Thembu kuxi i nga tokala kubhanga mu kudilonga? Phala kukala ni sauidi iambote mu nzumbi, kubhinga kudilonga ithangana ioso. Mateka mu kudilonga mu ithangana iofele, ku pholo enda ni kubandekesa-ku dingi tu ithangana. Kudilonga o Mak’â Nzambi, kua difu ni kusota jimbongo jo sueke, kioso ki u ji sanga, u mesena kusota dingi! (Ji 2:3-6) Mu kubhita thembu, ua-nda mesena kudilonga dingi o Mak’â Nzambi, ua-nda suluka ni kudilonga o Bibidia ku kizuua ni kizuua.​—1Ph 2:2.

IHI ILOMBOLOLA O IAMA IO TANGE MU DIVULU DIA DANIIELE KIBATULU 7?

  • Da 7:4

  • Da 7:5

  • Da 7:6

  • Da 7:7

KIBHUIDISU KIENGI:

Kiebhi kia di kumbidila o divulu dia Daniiele 7:8, 24?

MILONGI PHALA KUTOKUESA:

Ihi ilombolola o iama io tange mu divulu dia Dijingunuinu kibatulu 13?