Ku bokona mu madisá

Ku bokona mu madisá

 UENDELU UA UKIDISTÁ

Kubandekesa o Uhete Uetu mu Ukunji—Kukunda Dingi

Kubandekesa o Uhete Uetu mu Ukunji—Kukunda Dingi

MUKONDA DIAHI KIMA KIAMBOTE KUBHANGA KIKI: Athu avulu a xikina o njimbu ia Utuminu, a mu sota o kidi kia lungu ni Nzambi. (Iz 55:6) Phala kua longa, tua tokala ku a kunda veji javulu. O athu a dibhana ni ibhidi iavulu matelu. Mu kiki, o ukexilu ua kua kuatekesa ki u difu. Maji tua-nda di tunda kiambote se tu di sokejeka, ni kuijiia ihi i tua mesena ni muthu u tua mu mu kunda dingi; mu kulembalala kuila, o mbambe ietu o kumateka kudilonga-nê o Bibidia.

KIEBHI KI TU TENA KUBHANGA KIKI:

  • Bhanga nguzu phala kukunda o muthu ni lusolo.​—Mat 13:19

  • Xila o muthu; zuela-nê kiambote. Tululuka

  • Phala kumateka, menekena o muthu ni ngalasa. Tumbula o dijina diê. Mu tangele se mukonda diahi ua vutuka phala ku mu kunda​—nange u tena kutambuijila kibhuidisu ki ua mu xile, ku mu bhana O Mulangidi ua ubhe, ku mu londekesa o kijimbuete kietu, kuxika vidiu, mba ku mu longa o Bibidia. Se o mukua dibhata uzuela maka a mu mu thandanganhesa, lungulula o diambu.​—Pi 2:4

  • Tekela o mbutu ia kidi i ua kunu ku muxima uê bhu kaxi ka Mikanda Ikola mba mu xile kadivulu koso koso. (1Ko 3:6) Bhanga-nê ukamba

  • Xisa kibhuidisu, phala ku mu kunda dingi