MUKONDA DYAHI KIMA KYAMBOTE KUBHANGA KIKI: Jezú wa longo kwila, o athu eji kwijiya o maxibulu mê, mukonda dya henda yâ mudyâ. (Nz 13:34, 35) Phala kulondekesa o henda, ki tu tokala ku di banza ngó mudyetu, ki tu tokala we kukala ni njinda mba kuthathamana ni lusolo.—1Ko 13:5.

KYEBHI KI TU TENA KUBHANGA KIKI:

  • Se muthu u zwela mba u bhanga kima ki tu luwalesa, ande dya kubhanga kima, dibhwidise: Mukonda dyahi mwene wa zwela, mba wa bhange kiki? Se ngi mu vutwila ni njinda, ihi ya-nda bhita?—Ji 19:11

  • Lembalala kwila, etu enyoso tu akwa ituxi. Mu kiki, sayi ithangana, tu zwela mba tu bhanga ima i tu bhangesa kudyela.

  • Batula o maka ni lusolo

TALA O VIDYU ‘DIZOLYENU MUDYENU’​—KANA KUSOTA NGÓ O MBOTE YÉ, KANA KUTHATHAMANA NI LUSOLO, MU KUSULUKA, TAMBWIJILA O IBHWIDISU YA KAYELA:

  • Kyebhi Phange Ngola kya tambwijila phange Adá?

  • Kyebhi o kuxinganeka, kwa kwatekesa phange Adá kuvutwila sé njinda?

  • Kyebhi o kitambwijilu kya lenduka kya phange Adá, kya batula o maka?

Kyebhi ki kala o kilunga, kyoso ki tu langa o njinda yetu, né mwene kyoso kya tu xinga