សំណួរពីយុវវ័យ
ការវិវត្តន៍ឬមានអ្នកបង្កើត? ភាគទី២: ហេតុអ្វីទ្រឹស្ដីវិវត្តន៍មានចំណុចគួរឲ្យសង្ស័យ?
ប្អូនអាឡិចច្របូកច្របល់ក្នុងចិត្តណាស់។ ក្នុងចិត្តគាត់ គាត់តែងតែជឿថាមានព្រះ និងជឿថាអ្វីៗទាំងអស់មានព្រះដែលបានបង្កើត។ ប៉ុន្តែ ថ្ងៃនេះនៅសាលា គ្រូជីវវិទ្យាបានអះអាងយ៉ាងម៉ឺងម៉ាត់ថាការវិវត្តន៍ជាការពិត ហើយទ្រឹស្ដីនោះផ្អែកទៅលើការស្រាវជ្រាវខាងវិទ្យាសាស្ត្រដែលគួរឲ្យទុកចិត្ត។ អាឡិចមិនចង់ឲ្យគេចាត់ទុកគាត់ជាមនុស្សល្ងង់ទេ។ គាត់គិតក្នុងចិត្តថា‹បើពួកអ្នកវិទ្យាសាស្ត្រមានភ័ស្តុតាងដែលបញ្ជាក់ថាការវិវត្តន៍គឺជាការពិត ម្ដេចក៏ខ្ញុំត្រូវសង្ស័យ?›។
តើប្អូនធ្លាប់ជួបស្ថានភាពស្រដៀងនេះទេ? ប្រហែលពេញមួយជីវិតប្អូន ប្អូនតែងតែជឿអ្វីដែលគម្ពីរចែង ដែលថា៖«ព្រះបានបង្កើតមេឃនិងផែនដី»។ (ដើមកំណើត ១:១) ប៉ុន្តែថ្មីៗនេះ អ្នកឯទៀតព្យាយាមធ្វើឲ្យប្អូនជឿថាទ្រឹស្ដីវិវត្តន៍គឺជារឿងពិត ហើយការជឿថាអ្វីៗទាំងអស់មានព្រះដែលបានបង្កើតគឺជារឿងមិនពិត។ តើប្អូនគួរជឿពួកគេទេ? ហេតុអ្វីទ្រឹស្ដីវិវត្តន៍មានចំណុចគួរឲ្យសង្ស័យ?
មានចំណុចពីរដែលទ្រឹស្ដីវិវត្តន៍គួរឲ្យសង្ស័យ
១. មិនមែនអ្នកវិទ្យាសាស្ត្រទាំងអស់ជឿលើទ្រឹស្ដីវិវត្តន៍ទេ។ ទោះជាអ្នកវិទ្យាសាស្ត្របានសិក្សាស្រាវជ្រាវអស់រាប់ទសវត្សរ៍មកហើយក្ដី ក៏មិនទាន់មានការបកស្រាយណាមួយអំពីទ្រឹស្ដីវិវត្តន៍ដែលពួកគេអាចយល់ស្របគ្នាដែរ។
សូមគិតអំពីនេះ៖ ពួកអ្នកវិទ្យាសាស្ត្របានត្រូវចាត់ទុកថាជាអ្នកជំនាញ តែពួកគេមិនអាចយល់ស្របគ្នាអំពីទ្រឹស្ដីវិវត្តន៍ទេ។ បើដូច្នោះ តើខុសទេដែលយើងសង្ស័យអំពីទ្រឹស្ដីនេះ?—ចម្រៀងសរសើរព្រះ ១០:៤
២. អ្វីដែលយើងជឿគឺសំខាន់។ ប្អូនសាកឺរីបានរៀបរាប់ថា៖«បើជីវិតកើតមានឡើងដោយឯកឯង នោះបានន័យថាជីវិតរបស់យើង រួមទាំងអ្វីទាំងអស់ក្នុងសកលលោកនេះ គឺសុទ្ធតែគ្មានន័យខ្លឹមសារទេ»។ គាត់ចង់បង្កប់ន័យថា បើជីវិតទាំងឡាយកើតឡើងដោយការវិវត្តន៍ នេះហាក់ដូចជាជីវិតទាំងឡាយគ្មានគោលបំណងឡើយ។ (កូរិនថូសទី១ ១៥:៣២) ផ្ទុយទៅវិញ បើជីវិតទាំងឡាយមានអ្នកបង្កើត នោះយើងអាចរកឃើញចម្លើយដែលគួរឲ្យគាប់ចិត្តចំពោះសំណួរដែលទាក់ទងនឹងគោលបំណងនៃជីវិត និងអំពីអនាគតរបស់យើង។—យេរេមា ២៩:១១
សូមគិតអំពីនេះ៖ ពេលប្អូនដឹងការពិតអំពីការវិវត្តន៍និងការពិតដែលថាអ្វីៗទាំងអស់មានអ្នកបង្កើត តើនោះមានឥទ្ធិពលយ៉ាងណាមកលើប្អូន?—ហេប្រឺ ១១:១
សំណួរដែលគួរពិចារណា
អំណះអំណាងទី១: ‹អ្វីៗទាំងអស់ក្នុងសកលលោកបានកើតមកពីការផ្ទុះដ៏ធំមួយ›។
តើអ្វីឬអ្នកណាបានបណ្ដាលឲ្យមានការផ្ទុះដ៏ធំនោះ?
តើគំនិតពីរនេះ មួយណាសមហេតុសមផលជាង គឺអ្វីៗទាំងអស់បានកើតចេញពីទទេសូន្យ ឬអ្វីៗទាំងអស់កើតពីអ្នកណាម្នាក់ឬអ្វីមួយ?
អំណះអំណាងទី២: ‹មនុស្សវិវត្តពីសត្វ›។
បើមនុស្សវិវត្តពីស្វា ហេតុអ្វីសមត្ថភាពនិងប្រាជ្ញារបស់មនុស្សនិងស្វា ខុសគ្នាឆ្ងាយម្ល៉េះ? a
ហេតុអ្វីសូម្បីតែកោសិកាដ៏តូចបំផុតក៏មានភាពស៊ាំញ៉ាំម្ល៉េះ? b
អំណះអំណាងទី៣: ‹ទ្រឹស្ដីវិវត្តន៍គឺមានភ័ស្តុតាងជាក់លាក់›។
តើបុគ្គលដែលអះអាងបែបនេះបានស្រាវជ្រាវភ័ស្តុតាងដោយខ្លួនឯងទេ?
តើមនុស្សប៉ុន្មាននាក់ជឿលើទ្រឹស្ដីវិវត្តន៍ ហើយពួកគេជឿដោយសារតែពួកគេឮថាមនុស្សដែលមានប្រាជ្ញាទាំងអស់សុទ្ធតែជឿលើទ្រឹស្ដីនេះឬ?
a អ្នកខ្លះប្រហែលជាអះអាងថាមនុស្សមានប្រាជ្ញាជាងស្វា ដោយសារមនុស្សមានខួរក្បាលធំជាងស្វា។ ប៉ុន្តែ មូលហេតុនេះមិនសមហេតុសមផលទេ។ ដើម្បីស្វែងយល់ថែមទៀតអំពីរឿងនេះ សូមមើលសៀវភៅដែលមានចំណងជើងថាដើមកំណើតនៃជីវិត សំណួរប្រាំដែលមនុស្សឆ្ងល់ ទំព័រទី២៨។
b សូមមើលសៀវភៅដែលមានចំណងជើងថាដើមកំណើតនៃជីវិត សំណួរប្រាំដែលមនុស្សឆ្ងល់ ទំព័រទី៨-១២។
លោកអ្នកក៏ប្រហែលជាចូលចិត្តដែរ
ក្រដាសលំហាត់
ហេតុអ្វីខ្ញុំជឿថាមានព្រះ?
ចូរត្រៀមខ្លួនពន្យល់ជំនឿរបស់អ្នកដល់អ្នកឯទៀតដោយមិនមានអារម្មណ៍ខ្លាចឬគិតថាទស្សនៈខ្លួនខុសនោះទេ តែដោយបង្ហាញការគោរព។
សំណួរពីយុវវ័យ
ការវិវត្តន៍ឬមានអ្នកបង្កើត? ភាគទី១: ហេតុអ្វីគួរជឿថាមានព្រះ?
តើប្អូនចង់មានទំនុកចិត្តថែមទៀតក្នុងការពន្យល់អំពីមូលហេតុដែលប្អូនជឿថាមានព្រះទេ? មានយោបល់ខ្លះអំពីរបៀបតបឆ្លើយ បើបុគ្គលណាម្នាក់សួរអំពីជំនឿរបស់ប្អូន។
សំណួរពីយុវវ័យ
ការវិវត្តន៍ឬមានអ្នកបង្កើត? ភាគទី៣: ហេតុអ្វីគួរជឿថាអ្វីៗទាំងអស់មានអ្នកបង្កើត?
តើការជឿថាជីវិតទាំងឡាយមានអ្នកបង្កើតបញ្ជាក់ថាប្អូនប្រឆាំងនឹងវិទ្យាសាស្ត្រទេ?
សំណួរពីយុវវ័យ
ការវិវត្តន៍ឬមានអ្នកបង្កើត? ភាគទី៤: តើខ្ញុំអាចពន្យល់អំពីជំនឿរបស់ខ្ញុំយ៉ាងណាថាជីវិតទាំងឡាយមានអ្នកបង្កើត?
ប្អូនមិនចាំបាច់មានចំណេះច្រើនខាងវិទ្យាសាស្ត្រ ទើបអាចវែកញែកហេតុផលដែលបញ្ជាក់ថាជីវិតទាំងឡាយក្នុងធម្មជាតិមានអ្នកបង្កើតនោះទេ។ សូមប្រើការវែកញែកសមហេតុផលពីគម្ពីរ។
