ចម្រៀងលេខ១១៨
«សូមជួយយើងឲ្យមានជំនឿថែមទៀត»
(លូកា ១៧:៥)
-
១. ឱព្រះយេហូវ៉ាយើងខ្ញុំមានភាពខុសឆ្គង
ទំនោរចិត្តយើងតែងតែខុសមិនត្រឹមត្រូវ
ក៏មានការខុសឆ្គងដែលទាក់យើងយ៉ាងងាយស្រួល
ការគ្មានជំនឿទៅលើព្រះដែលរស់នៅ។
(បន្ទរ)
ឱបិតាសូមផ្ដល់ជំនឿមកយើងថែមទៀត
សូមជួយពង្រឹងត្រង់ណាយើងខ្ញុំត្រូវការ
សូមលោកមេត្តាផ្ដល់ជំនឿមកយើងថែមទៀត
ឲ្យយើងតម្កើងលោកដោយកាយាវាចា។
-
២. បើគ្មានជំនឿមិនអាចធ្វើឲ្យលោកពេញចិត្ត
យើងត្រូវតែជឿថាលោកឲ្យរង្វាន់ពិត
ជំនឿដូចខែលដែលជួយបិទបាំងការពារយើង
យើងប្រឈមអនាគតដោយមិនភ័យភិត។
(បន្ទរ)
ឱបិតាសូមផ្ដល់ជំនឿមកយើងថែមទៀត
សូមជួយពង្រឹងត្រង់ណាយើងខ្ញុំត្រូវការ
សូមលោកមេត្តាផ្ដល់ជំនឿមកយើងថែមទៀត
ឲ្យយើងតម្កើងលោកដោយកាយាវាចា៕
