សូមប្រើវេលាឲ្យមានតម្លៃ
ថតចម្លង៖
១. ជីវិតដូចអ័ព្ទមានតែមួយទិវា
ពេលវេលាក៏នឹងឆាប់កន្លង។
តែឥឡូវសូមយើងបង្ហាញក្ដីស្រឡាញ់
ដល់សម្លាញ់និងមនុស្សឯទៀតទាន់មានពេល។
(បន្ទរ)
ជីវិតយើងរស់នៅគឺខ្លីណាស់ តែអាចមានន័យខ្លឹមសារ
បើខ្ញុំខំស្រឡាញ់បងប្អូនអស់ពីចិន្ដា។
អ្វីដែលខ្ញុំអាចធ្វើនៅថ្ងៃនេះ ខ្ញុំធ្វើឲ្យល្អប្រពៃ
ហើយខ្ញុំនឹងប្រើពេលដែលរស់នៅឲ្យឈ្លាសវៃ។
ជីវិតខ្ញុំពោរពេញដោយអត្ថន័យ បើប្រើវេលាឲ្យមានតម្លៃ។
២. លោកបង្កើតអ្វីទាំងអស់ព្រោះស្រឡាញ់
ខ្ញុំអរគុណព្រះយេហូវ៉ាខ្លាំងណាស់
ខ្ញុំដឹងថា ខ្ញុំអាចជូនអ្វីដល់បិតា
គឺវេលារាល់នាទីដែលរូបខ្ញុំមានដង្ហើម។
(បន្ទរ)
ជីវិតយើងរស់នៅគឺខ្លីណាស់ តែអាចមានន័យខ្លឹមសារ
បើខ្ញុំខំស្រឡាញ់បិតាអស់ពីចិន្ដា។
អ្វីដែលខ្ញុំអាចធ្វើនៅថ្ងៃនេះ ខ្ញុំធ្វើឲ្យល្អប្រពៃ
ហើយខ្ញុំនឹងប្រើពេលដែលរស់នៅឲ្យឈ្លាសវៃ។
ជីវិតខ្ញុំពោរពេញដោយអត្ថន័យ បើប្រើវេលាឲ្យមានតម្លៃ។
(បន្ថែម)
មិនយូរទៀត ពិភពលោកថ្មីនឹងមកដល់
ព្រះយេហូវ៉ាបានសន្យា។
ខ្ញុំចង់ប្រើវេលាធ្វើតាមលោកប្រាថ្នា
ជួយដល់បងប្អូនដែលត្រូវការ។
(បន្ទរ)
ជីវិតយើងអាចរស់យូរអង្វែង ហើយអាចមានន័យខ្លឹមសារ
ព្រោះខ្ញុំខំស្រឡាញ់បងប្អូនអស់ពីចិន្ដា។
អ្វីដែលខ្ញុំអាចធ្វើនៅថ្ងៃនេះ ខ្ញុំនឹងធ្វើឲ្យល្អប្រពៃ
ព្រោះខ្ញុំនឹងប្រើពេលដែលរស់នៅឲ្យឈ្លាសវៃ។
ហើយជីវិតខ្ញុំពោរពេញដោយអត្ថន័យ បើប្រើវេលាឲ្យមានតម្លៃ។
